• Pr 17:24—Ke jwang motho ‘ya hlokang kelello a thalatsang mahlo ho ya fihla moo lefatshe le fellang’? (it-1-E 790 ¶2)

  Karabo ya hao

• O ithutileng mmalong wa Bibele wa bekeng ee?

  Karabo ya hao

Puisano e ntle ke ya bohlokwa hore lelapa le dule le thabile. Ha ditho tsa lelapa di buisana ka bolokolohi, ho tla ba bonolo hore di sebetse ha mmoho le ho tshehetsana nakong eo di nang le mathata. (Pr 15:22) Le ka etsang hore e mong le e mong ka lapeng a ikutlwe a lokolohile ho ntsha maikutlo a hae?

Qetang nako ha mmoho. (De 6:​6, 7) Ha ditho tsa lelapa di sebetsa, di ya dibokeng le tshimong le ho ithabisa ha mmoho, sena se etsa hore di tshepane le ho ratana le ho feta. Di boetse di ba le menyetla e eketsehileng ya ho buisana ka bolokolohi. Ka dinako tse ding ho ka hlokahala hore o etse dintho tseo lelapa le batlang ho di etsa ho ena le tseo o di batlang, ho etsa jwalo ho tla ruisa lelapa molemo. (Baf 2:​3, 4) Le ka etsang hore le thabele nako eo le e qetang ha mmoho?—Ef 5:​15, 16.

Shebellang VIDEO ya Ke Eng e ka Thusang Lelapa Hore le Phedisane ka Kgotso?—Ntlafatsang Tsela eo le Buisanang ka Yona ebe o botsa bamamedi dipotso tse latelang:

• Ha disebediswa tsa elektronike di sa sebediswe hantle, di ka ama tsela eo ditho tsa lelapa di buisanang ka yona jwang?

  Karabo ya hao

• Ke eng hape seo o ithutileng sona ka ho ba le puisano e ntle videong ee?

  Karabo ya hao

Mamela ka hloko. (Jak 1:19) Bana ba kgona ho ntsha maikutlo ka bolokolohi haeba ba sa tshabe hore batswadi ba bona ba tla ba omanya le ha ba kgodisehile hore ba tla ba utlwisisa. Ka hoo, etsa sohle se o ka se kgonang hore o se ke wa halefa ha ngwana wa hao a ka bua ntho e o tshwenyang. (Pr 17:27) Ho ena le hoo, ikenye dieteng tsa hae, leka ho utlwisisa hore na o nahana le ho ikutlwa jwang e le hore o ka mo kgodisa hore o batla ho mo thusa hobane o mo rata.