Paseka ya ho qetela eo Jesu a neng a tlo e keteka e ne e le ya bohlokwa. Ka ha o ne a le haufi le ho shwa, o ile a keteka Paseka le baapostola ba hae mme a theha mokete oo batho ba tla ikgopotso wona selemo le selemo wa Dijo Tsa Shwalane Tsa Morena. Ka hoo o ile a roma Petrose le Johanne hore ba ilo lokisa kamore eo ba tla tshwarela Paseka ho yona. (Lu 22:7-13; sheba setshwantsho se ka ntle.) Taba ena e re hopotsa hore re lokela ho itokiselletsa Sehopotso se tla ba ka la 27 March. Mohlomong diphutheho di se di entse ditlhophiso bakeng sa sebui, ditshwantshetso le ditlhophiso tse ding. E mong le e mong wa rona o lokela ho etsang ho itokiselletsa Sehopotso?

Lokisa pelo ya hao. Bala Mmalo wa Sehopotso o be o nahanisise ka ona. O ka sheba bukana ya Ho Hlahlobisisa Mangolo ka Mehla ho sheba hore na mmalo wa Bibele o hokae letsatsi ka leng. O ka boela wa sheba kgaolo ya 16 bukaneng ya Tataiso ya ho Ithuta Lentswe la Modimo e le hore o fumane dintlha tse ding ka mmalo wa Sehopotso. (Sheba hape le Bukana ya Seboka sa Bophelo ba Bokreste le Tshebeletso ya April 2020.) Malapa a ka fumana dintlha tseo ba ka buisanang ka tsona borapeding ba lelapa tse mabapi le bohlokwa ba thekollo ka ho sheba Watch Tower Publications Index kapa Tataiso ya ho Etsa Dipatlisiso ya Dipaki Tsa Jehova.

Memela ba bang Sehopotsong. Sebetsa ka thata letsholong la ho memela batho Sehopotsong. Nahana ka batho bao o ka ba memang, bao o ileng wa ba etsetsa maeto a ho boela, bao o neng o ithuta Bibele le bona, bao o tlwaelaneng le bona le bao o amanang le bona. Baholo ba lokela ho mema batho ba seng ba sa ye dibokeng le tshimong. Hopola hore esita le haeba motho a sa dule sebakeng seo o dulang ho sona, o ka mo bontsha sebaka se haufi le moo a dulang teng moo Sehopotso se tla tshwarelwa teng le nako eo se tla tshwarwa ka yona. O ka kena ho MABAPI LE RONA ho jw.org/st-za, ebe o kgetha “Sehopotso.”

Keng hape eo re ka e etsang ho itokisetsa Sehopotso?