Paseka ya pele e ne e le ketsahalo ya bohlokwa ka ho fetisisa. Bosiung bona boo, ka mora hore Faro a lemohe hore mora wa hae wa letsibolo o shwele o ile a re ho Moshe: “Tsohang, le tswe hara setjhaba sa ka, lona le bara ba bang ba Iseraele, mme le tsamaye, le sebeletse Jehova, feela jwalo ka ha le boletse.” (Ex 12:31) Jehova o ile a bontsha hore o sireletsa batho ba hae.

Le mehleng ena ha re sheba histori ya batho ba Jehova re kgona ho bona hore Jehova o ntse a tswela pele ho tataisa le ho hlokomela bahlanka ba hae. Sena re se bona musiamong o ntlokgolo o bitswang “A People for Jehovah’s Name.”

SHEBELLA VIDEO E RENG LEETO LA MISIAMO O WARWICK NTLOKGOLO O BITSWANG “A PEOPLE FOR JEHOVAH’S NAME” EBE O ARABA DIPOTSO TSE LATELANG:

• Ke thulusi efe e ntjha eo Baithuti ba Bibele ba ileng ba e sebedisa qalong ya selemo sa 1914 ho matlafatsa tumelo ya bona Bibeleng, mme e ile ya atleha jwang?

• Ke mathata afe a ileng a hlaha ka selemo sa 1916 le 1918, mme ke bopaki bofe bo ileng ba bontsha hore Jehova o ne a tataisa mokgatlo wa hae?

• Bahlanka ba Jehova ba ile ba dula ba tshepahala jwang le hoja ba ne ba hanyetswa?

• Bahlanka ba Modimo ba ile ba fumana kutlwisiso efe e ntjha ka 1935, mme seo se ile sa ba ama jwang?

• Haeba o ile wa ya misiamong ona, ke eng eo o ileng wa e bona mme ya etsa hore o bone hore Jehova o tataisa le ho hlokomela batho ba hae?