Selelekela sa Karolo ya 8
Jehova o ile a hlohonolofatsa Solomone ka ho mo fa bohlale bo boholo le tokelo ya ho haha tempele. Empa butlebutle Solomone o ile a furalla Jehova. Haeba o motswadi, hlalosetsa ngwana hore na batho ba sa rapeleng Jehova ba ile ba kgelosa Solomone jwang. Mmuso wa Solomone o ile wa arolwa mme marena a mabe a etsa hore setjhaba se fetohele Modimo yaba se qala ho rapela medimo ya ditshwantsho. Ka nako eo, baprofeta ba bangata ba tshepahalang ba Jehova ba ile ba hloriswa le ho bolawa. Mofumahadi Jezebele o ile a etsa hore mmuso o ka leboya o fetohele Modimo le ho feta. Eo e ne e le nako e bosula ho Baiseraele. Empa ho ne ho ntse ho ena le bahlanka ba bangata ba tshepahalang ba Jehova, ho akarelletsa Morena Josafate le moprofeta Elia.
KAROLONG ENA
THUTO YA 44
Tempele ya Jehova
Modimo o arabela thapelo ya Morena Solomone mme o a mo hlohonolofatsa.
THUTO YA 49
Mofumahadi ya Kgopo o Fuwa Kotlo
Jezebele o rera ho bolaya Nabothe e le hore feela a utswe tshimo ya hae ya morara! Jehova o ne a ntse a bona dintho tse kgopo tseo a di etsang.
THUTO YA 50
Jehova o Sireletsa Josafate
Morena Josafate o rapela Modimo ha ditjhaba tsa direng di rera ho hlasela Juda.
