Tshenolo e yang ho Johanne 20:1-15
20 Ka bona lengeloi le theoha lehodimong le tshwere senotlolo sa sekoti se tebileng+ le ketane e kgolo.
2 La tshwara drakone+ e leng noha+ ya pele e bitswang Diabolose+ le Satane+ mme la e fasa ka dilemo tse 1 000.
3 La e lahlela ka sekoting se tebileng+ mme la se kwala le ho se tiisa e le hore e se ke ya hlola e kgelosa ditjhaba ho fihlela dilemo tseo tse 1 000 di fedile. Ka mora dintho tsena e tla lokollwa ka nakwana.+
4 Ka bona diterone. Ba neng ba dutse hodima tsona ba fuwa matla a ho ahlola. Ka bona madi* a ba ileng ba bolawa* hobane ba ne ba bua nnete ka Jesu le ho bolela ka Modimo le ba sa kang ba rapela sebata le setshwantsho sa sona ebile ba se na letshwao la sona diphatleng tsa bona le matsohong a bona.+ Ba ile ba phela yaba ba busa e le marena le Kreste+ ka dilemo tse 1 000.
5 Ena ke tsoho ya pele.+ Bafu ba bang kaofela+ ha ba a ka ba phela ho fihlela dilemo tseo tse 1 000 di fedile.
6 Ba tla tsoswa tsohong ya pele ba a halalela ebile ba tla thaba.+ Ba ke ke ba shwa+ lefu la bobedi*+ empa e tla ba baprista+ ba Modimo le ba Kreste mme ba tla busa le yena e le marena ka dilemo tseo tse 1 000.+
7 Hang ha dilemo tseo tse 1 000 di fedile, Satane o tla lokollwa tjhankaneng.
8 O tla tswa ho ya kgelosa ditjhaba tse dikgutlong* tse nne tsa lefatshe e leng Gogo le Magogo, ho di bokella bakeng sa ntwa. Di ngata jwalo ka lehlabathe la lewatle.
9 Tsa tlala lefatshe lohle mme tsa potapota ditente tsa bahalaledi le motse oo Modimo a o ratang. Empa mollo wa theoha lehodimong wa di tjhesa.+
10 Diabolose ya neng a di kgelosa o ile a lahlelwa ka letsheng la mollo le sebabole, moo sebata+ le moprofeta wa bohata ba neng ba le teng.+ Ba tla hlokofatswa* bosiu le motshehare ka ho sa feleng.
11 Ka bona terone e kgolo e tshweu le ya neng a dutse ho yona.+ Lehodimo le lefatshe tsa baleha ka pela hae+ mme ha di a ka tsa hlola di bonwa.
12 Ka bona bafu ba baholo le ba banyenyane ba eme ka pela terone mme meqolo ya bulwa. Empa ho ile ha bulwa moqolo o mong, moqolo wa bophelo.+ Bafu ba ile ba ahlolwa ka dintho tse ngotsweng meqolong eo ho ya ka diketso tsa bona.+
13 Lewatle la kgutlisa bafu ba ka ho lona, lefu le Lebitla* le tsona tsa kgutlisa bafu ba ka ho tsona yaba e mong le e mong o ahlolwa ho ya ka diketso tsa hae.+
14 Lefu le Lebitla* tsa lahlelwa ka letsheng la mollo.+ Letsha lena la mollo+ le emela lefu la bobedi.+
15 Mang kapa mang ya neng a sa ngolwa bukeng ya bophelo+ a lahlelwa ka letsheng la mollo.+
Dintlha tse qetellong ya sehloho
^ Ka Segerike: “ba bolailweng ka selepe.”
^ Ka Segerike: “Lefu la bobedi ha le na matla hodima bona.”
^ Kapa: “dikhoneng.”
^ Kapa: “kwallwa.”
