Mikea 5:1-15
5 “Le a itsheha,Lona baahi ba motse o hlaselwang.
Re thibeletswe.+
Ba otla moahlodi wa Iseraele lerameng ka molamu.+
2 Wena Bethlehema Efratha,+Wena motse o monyenyane haholo hara metse* ya Juda,Ho wena ho tla hlaha mmusi wa Iseraele+Ya tla etsa thato ya ka, eo esale a le teng ho tloha mehleng ya boholoholo.
3 Modimo o tla ba lahlaHo fihlela mosadi ya lokelang ho beleha a beleha.
Bana babo kaofela ba tla kgutlela ho setjhaba sa Iseraele.
4 O tla ema a dise ka matla a Jehova+Le ka matla a lebitso le phahameng la Jehova Modimo wa hae.
Ba tla dula ba sireletsehile+Hobane puso ya hae e tla ba lefatsheng lohle.+
5 O tla etsa hore ho be le kgotso.+
Ha Moasiria a hlasela naha ya rona a bile a hatakela ditora tsa rona tse sireleditsweng ka thata,+Re tla kgetha badisa ba supileng, re kgethe dikgosana* tse robedi hara batho hore di mo lwantshe.
6 Ba tla hlasela naha ya Asiria ka sabole,+Ba hlasele le naha ya Nimrode+ dikeiting tsa yona.
O tla re pholosa ho Moasiria+Ha a hlasela naha ya rona mme a hatakela sebaka sa rona.
7 Ba setseng ba Jakobo ba tla ba hara ditjhaba tse ngataJwalo ka phoka e tswang ho JehovaLe jwalo ka marothodi a pula hodima dimelaTse sa tshepeleng ho bathoLe tse sa ba emeleng.
8 Ba setseng ba Jakobo ba tla ba hara ditjhabaLe hara batho ba bangataJwalo ka tau hara dibata tsa moruLe jwalo ka tawana hara mehlape ya dinku,E hlaselang le ho robakanya ha e fetaEbile ha ho na ya ka di pholosang.
9 Le tla hlola dira tsa lona,Kaofela ha tsona di tla fediswa.”
10 Jehova o re, “Letsatsing leo,Ke tla fedisa dipere tsa lona le dikariki tsa lona tsa ntwa.
11 Ke tla fedisa metse ya naha ya lona,Ke heletse dibaka tsohle tsa lona tse sireleditsweng ka thata.
12 Ke tla fedisa boloi boo le bo etsang.*
Ha ho sa tla ba le ya etsang boselamose hara lona.+
13 Ke tla fedisa ditshwantsho tsa lona tse rapelwang le dipilara tsa lona.
Le ke ke la hlola le inamela dintho tseo le di entseng ka matsoho a lona.+
14 Ke tla tlosa dipalo tsa lona tse halalelang*+Ke be ke fedise metse ya lona.
15 Ke tla be ke halefile haholo ha ke iphetetsaHo ditjhaba tse sa kang tsa mmamela.”
Dintlha tse qetellong ya sehloho
^ Kapa: “maloko.”
^ Kapa: “baetapele.”
^ Ka Seheberu: “bo letsohong la hao.”
