Jobo 8:1-22
8 Bildade+ wa Moshuha+ a re:
2 “O tla bua ka tsela ee ho fihlela neng?+
Mantswe a hao ha a na thuso jwalo ka moya o matla.
3 Na Modimo a ka ahlola ka tsela e sa lokang,Kapa na Ya Matla Ohle a ka senya ntho e lokileng?
4 Haeba bana ba hao ba mo sitetswe,O ba file kotlo ka lebaka la dibe tsa bona.
5 Empa haeba o ka batla Modimo+Mme wa kopa Ya Matla Ohle hore a o hauhele,
6 Hape haeba o ne o hlwekile ebile o lokile,+O ne a tla o mamelaA be a o kgutlisetse sebakeng sa hao se nepahetseng.
7 Le hoja qalong o ne o se na dintho tse ngata,O ne o tla atleha nakong e tlang.+
8 Ke kopa o hlahlobe histori ya moloko o fetilengMme o hlokomele dintho tseo baholoholo ba wona ba di fumaneng.+
9 Rona re hlahile maobane mme ha re tsebe letho,Matsatsi a rona lefatsheng a jwalo ka moriti.
10 Ba tla o bolella,Hape ba o hlalosetse dintho tseo ba di tsebang.*
11 Na semela sa lodi se ka hola sa ba selelele sebakeng se dulang se se na metsi?
Na lehlaka le tla hola le be le lelele ho se na metsi?
12 Le pele le thunya kapa le kguwa,Le tla omella pele ho semela sefe kapa sefe.
13 Ho etsahala ntho e tshwanang ka batho bohle ba lebalang Modimo,Tshepo ya ya lahlileng Modimo e tla fela,*
14 Eo tshepo ya hae e leng ya lefeelaLe ya itshepisitseng ntho e se nang thuso jwalo ka tepo* ya sekgo.
15 O tla itshetleha ka yona* empa e tla wa.
A leke ho itshwarella empa e senyehe.
16 O jwalo ka semela se mongobo letsatsingMme letlobo la hae le tlala hohle serapeng.+
17 Methapo ya hae e harelana qubung ya majwe,O batlana le ntlo hara majwe.*
18 Empa ha a ntshwa ka metso sebakeng sa hae,Sebaka seo se tla mo latola se re, ‘Ke qala le ho o bona.’+
19 Ke ka tsela eo a tla nyamela ka yona,+Ka mora moo, ho tla hlaha ba bang ho tswa leroleng.
20 Le ka mohla Modimo a ke ke a lahla batho ba tshepahalang*Kapa a tshehetse* batho ba kgopo.
21 O tla boela a etse hore o thabeLe hore molomo wa hao o hweletse ka thabo.
22 Ba o hloileng ba tla hlajwa ke dihlongMme tente ya ba kgopo e tla ba siyo.”
Dintlha tse qetellong ya sehloho
^ Ka Seheberu: “Ba hlahise mantswe ka dipelong tsa bona.”
^ Kapa: “Tshepo ya mokwenehi e tla fela.”
^ Ka Seheberu: “ntlo.”
^ Ka Seheberu: “ntlo.”
^ Kapa: “O shebile ntlo e entsweng ka majwe.”
^ Kapa: “ba sa tshwauweng phoso.”
^ Ka Seheberu: “tshware letsoho la.”
