Jobo 29:1-25
29 Jobo a boela a re:
2 “Ekare nka kgutlela dikgweding tse fetileng,Nakong eo Modimo a neng a ntshireleditse.
3 Ha a ne a etsa hore lebone la hae le kganye hloohong ya ka,A nkgantshetsa nakong eo ke neng ke tsamaya lefifing.+
4 Ha ke ne ke ntse ke ena le matla,Nakong eo Modimo e neng e le motswalle wa ka.*+
5 Ha Ya Matla Ohle a ne a ena le nnaLe bana* ba ka ba mpotapotile.
6 Ha ke ne ke hlatswa maoto a ka ka hara botoroHa oli ya ka e sa ntse e tsholoha le majweng.+
7 Ha ke ne ke tlwaetse ho ya keiting ya motse+Ke dula lebaleng,+
8 Ha bahlankana ba mpona ba ne ba emella ka thoko,*Banna ba baholo ba ema ka maoto.+
9 Dikgosana di ne di thola,Di beha matsoho molomong.
10 Banna ba hlomphehang ba ne ba thola,Maleme a bona a kgomarela mahalapa.*
11 Motho le ha e le ofe ya neng a nkutlwa ha ke bua o ne a mpabatsa,Ba neng ba mpona ba ne ba bua hantle ka nna.
12 Ke ne ke pholosa bafutsana ba kopang thuso+Le dikgutsana* ha mmoho le mang kapa mang ya neng a se na motho ya mo thusang.+
13 Motho ya haufi le ho shwa o ne a bua hantle ka nna+Ke ne ke etsa hore mohlolohadi a thabe.+
14 Ke ne ke apara ho loka jwalo ka diaparo.
Toka ya ka e le jwalo ka seaparo se selelele* le tuku.
15 Ke ne ke le mahlo ho batho ba sa boneng,Ke le maoto ho ba holofetseng.
16 Ke ne ke le ntate wa bafutsana.+
Ke ne ke batlisisa nyewe ya batho bao ke sa ba tsebeng e le hore ke ba thuse.+
17 Ke ne ke pshatla mehlahare ya batho ba etsang dintho tse mpe,+Ke pholosa batho bao ba ba hlorisang.
18 Ke ne ke tlwaetse ho re, ‘Ke tla shwella ka tlung ya ka,+Matsatsi a bophelo ba ka a tla ba mangata jwalo ka lehlabathe.
19 Metso ya ka e tla namela ka metsingLe phoka e dule hodima makala a ka bosiu kaofela.
20 Kganya ya ka e dula e ntjhafatswa,Seqha se letsohong la ka se tla dula se betsa.’
21 Batho ba ne ba mmamela ka hloko,Ba thola mme ba emela keletso ya ka.+
22 Ka mora hore ke bue, ho ne ho se na letho leo ba ka le buang.Mantswe a ka a ne a le monate* ditsebeng tsa bona.
23 Ba ne ba nkemela jwalo ka pula,Ba lakatsa seo ke tla se bua jwalo ka ha eka ba emetse pula ya selemo.+
24 Ha ke ne ke ba bososella, ba ne ba sa kgolwe.
Ha ba bona sefahleho sa ka ba kgothala.*
25 Ke ne ke ba tataisa jwalo ka ha eka ke moetapele wa bona,Ke phela jwalo ka morena hara masole a hae,+Ke tshedisa batho ba utlwileng bohloko.+
Dintlha tse qetellong ya sehloho
^ Ka Seheberu: “a le ka tenteng ya ka.”
^ Kapa: “basebeletsi.”
^ Ka Seheberu: “ba ipata.”
^ E leng karolo e ka hodimo ya lehano.
^ Kapa: “bana ba se nang bontate.”
^ Kapa: “seaparo se se nang matsoho.”
^ Ka Seheberu: “theohela.”
^ Kapa mohlomong: “Ba ne ba sa time kganya ya sefahleho sa ka.”
