Jobo 24:1-25
24 Ke hobaneng ha Ya Matla Ohle a sa beha nako?+Ke hobaneng ha ba mo tsebang ba sa bone letsatsi la hae?*
2 Batho ba tjhetjhisa matshwao a meedi,+
Ba utswa mehlape e le hore ba e ise makgulong a bona.
3 Ba nka ditonki tsa dikgutsana,*Ba tshwara poho ya mohlolohadi ho fihlela a ba patala.*+
4 Ba leleka bafutsana tseleng,Ba sa kgoneng ho itshireletsa ba lokela ho ipatela bona.+
5 Bafutsana ba batlana le dijo jwalo ka ditonki tsa naha+ lefeelleng,Ba batlela bana ba bona dijo lehwatateng.
6 Ba kotula tshimong ya motho e mong*Ba be ba thonake dirapeng tsa morara tsa motho ya kgopo.
7 Ba qeta bosiu ba sa apara,+Ha ho na ntho eo ba e aparang ha ho bata.
8 Ba kolobiswa ke pula ya dithaba,Ba itshwarella mafikeng hobane ho se na moo ba ka itshireletsang.
9 Kgutsana e nkwa letsweleng la mme wa yona+Mme ba nka diaparo tsa mofutsana ho fihlela a patala.+
10 Ka lebaka leo, ba tsamaya ba hlobotseEbile ba ba qobella ho nka mangata a koro* ba lapile.
11 Ba sebetsa ka thata letsatsing le tjhesang, hara marako a dirapa tsa morara.*Ba hata dihatelong tsa veine le ha ho le jwalo ba nyorilwe.+
12 Batho ba shwang ba a bobola motseng,Ba lemetseng haholo ba kopa thuso+Empa Modimo ha a na taba.*
13 Ho na le ba hloileng kganya,+Ha ba hlokomele ditsela tsa yonaEbile ha ba di latele.
14 Mmolai o tsoha ka meso,O bolaya batho ba hlokang thuso le ba futsanehileng.+
Bosiu teng o a utswa.
15 Motho ya febang o emela hore letsatsi le dikele,+O re, ‘Ha ho na motho ya tla mpona!’+
Ebe o kwahela sefahleho sa hae.
16 Ha ho eba lefifi, batho ba kgopo ba kenela batho matlong a bona.
Motshehare ba ikwalla ka tlung.
Ha ba rate kganya.+
17 Ha ba tshabe lefifi jwalo ka batho ba bang empa ha e eba hoseng ba a tshaba.
Ba tlwaelane le diketso tse tshosang tsa lefifi.
18 Empa metsi a ba hohola kapele.*
Naha eo ba dulang ho yona e tla rohakwa.+
Ba ke ke ba kgutlela dirapeng tsa bona tsa morara.
19 Feela jwalo ka ha komello le motjheso di pshesa metsi a lehlwa,Lebitla* le nka ba entseng sebe.+
20 Ba tla laolwa ke bomme* ba bona mme ba jewe ke diboko.
Ba ke ke ba hlola ba hopolwa.+
Ba sa lokang ba tla robeha jwalo ka sefate.
21 Ba hlasela mosadi ya sa kgoneng ho ba le banaMme ba tshwara mohlolohadi hampe.
22 Modimo* o tla sebedisa matla a hae ho fedisa batho ba matlaLe ha ba ka ba matla, ha ba tsebe hore na ba tla phela kapa tjhe.
23 Modimo o ba dumella hore ba itshepe le hore ba ikutlwe ba sireletsehile+Empa o shebile ntho e nngwe le e nngwe eo ba e etsang.*+
24 Ba phahamiswa ka nakwana ebe ka mora moo ha ba sa le yo.+
Ba theolelwa tlase+ le ho bokellwa jwalo ka batho ba bang,Ba helwa jwalo ka koro.*
25 Ke mang ya ka reng ke leshanoKapa a re ntho eo ke e buang ha se nnete?”
Dintlha tse qetellong ya sehloho
^ E leng letsatsi la hae la kahlolo.
^ Kapa: “bana ba se nang bontate.”
^ Kapa: “e le tebeletso.”
^ Kapa mohlomong: “ba kotula furu tshimong.”
^ Kapa mohlomong: “Ba hata oli hara marako.”
^ Kapa mohlomong: “Modimo ha a ahlole motho le ha e le ofe ka lebaka la sena.”
^ Ka Seheberu: “O lebelo hodima metsi.”
^ Ka Seheberu: “popelo.”
^ Ka Seheberu: “O.”
^ Ka Seheberu: “ditsela tsa bona.”
^ Kapa: “dijothollo.”
