Esaia 55:1-13
55 Tloong, lona bohle ba nyorilweng.+ Tloong metsing.+
Lona ba se nang tjhelete, tloong le reke mme le je.
Tloong, le reke veine le lebese+ ntle ho tjhelete le ntle ho tefo.+
2 Ke hobaneng ha le ntse le ntsha tjhelete bakeng sa ntho eo e seng bohobe?
Ke hobaneng ha le sebedisa mokgolo wa lona* bakeng sa ntho e sa le kgotsofatseng?
Mmameleng ka hloko mme le je dijo tse nang le phepo.+
Le tla thaba haholo ka lebaka la dijo tse matlafatsang e le ka nnete.*+
3 Mamelang ka hloko* mme le tle ho nna.+
Mamelang mme le tla dula le phela,Hanghang ke tla etsa selekane se sa feleng le lona+Tumellanong le lerato la sebele leo ke le tshepisitseng Davida. Tshepiso ena e tla phethahala.*+
4 Ke mo entse paki+ ditjhabeng,Moetapele+ le molaodi+ wa ditjhaba.
5 O tla bitsa setjhaba seo o sa se tsebeng.
Batho ba setjhaba se sa kang sa o tseba ba tla mathela ho wenaKa lebaka la Jehova Modimo wa hao,+ Mohalaledi wa IseraeleHobane o tla o tlotlisa.+
6 Batlang Jehova ha a sa ntse a fumaneha.+
Mo bitseng ha a sa ntse a le haufi.+
7 Motho ya kgopo a tlohele tsela ya hae,+A tlohele ho nahana bokgopo.
A ke a kgutlele ho Jehova, ya tla mo hauhela,+A kgutlele ho Modimo wa rona hobane o tla mo tshwarela ka pelo yohle.*+
8 Jehova o re: “Menahano ya ka ha e tshwane le menahano ya lona,+Ditsela tsa lona ha di tshwane le ditsela tsa ka.
9 Jwalo ka ha mahodimo a phahametse lefatshe,Ditsela tsa ka le tsona di phahametse ditsela tsa lonaLe menahano ya ka e phahametse menahano ya lona.+
10 Feela jwalo ka ha pula le lehlwa di theoha lehodimong,Di sa kgutlele teng di eso nosetse lefatshe le ho etsa hore le be le dihlahiswa mme le hlomeleLe hore le hlahisetse mojadi peo le batho ba fumane dijo,
11 Lentswe la ka le tswang molomong wa ka le tla ba jwalo.+
Le ke ke la kgutlela ho nna le se na ditholwana.+
Le tla fela le etse eng kapa eng eo ke e ratang*+Mme jwang kapa jwang le tla atleha nthong eo ke le rometseng hore le e etse.
12 Lona batho ba ka, le tla tloha le thabile,+Le tla kgutliswa ka kgotso.+
Dithaba le maralla di tla nyakalla ka pela lona, di hweletse di thabile.+
Difate tsohle tsa naha di tla opa diatla.+
13 Ho tla hlaha sefate sa junipere ho ena le dihlahla tse meutlwa.+
Ho tla hlaha sefate sa mirte ho ena le bobatsi.
Diphetoho tsena di tla tumisa* Jehova,+E tla ba letshwao le ke keng la fediswa.”
Dintlha tse qetellong ya sehloho
^ Kapa: “tjhelete eo le e sebeleditseng ka thata.”
^ Ka Seheberu: “ka lebaka la ho nona.”
^ Kapa: “e a tshepahala.”
^ Ka Seheberu: “Sekehang ditsebe.”
^ Kapa: “ka bolokolohi.”
^ Kapa: “eo e leng thato ya ka.”
^ Kapa: “tsebahatsa.”
