Esaia 35:1-10
35 Lefeella le sebaka se omeletseng di tla thaba+Le lehwatata le tla thaba mme le thunye jwalo ka dipalesa tsa safrone.+
2 Jwang kapa jwang e tla thunya,+E tla thaba e be e hweletse e thabile.
E tla fuwa kganya ya Lebanone,+E fuwe botle ba Karmele+ le ba Sharone.+
Ba tla bona kganya ya Jehova, botle ba Modimo wa rona.
3 Matlafatsang matsoho a fokolangMme le tiise mangole a tsheremang.+
4 Ereng ho ba dipelo di tshwenyehileng:
“Ebang matla. Le se ke la tshoha.
Modimo wa lona o tla iphetetsa,A fane ka kotlo.+
O tla tla mme a le pholose.”+
5 Ka nako eo, mahlo a difofu a tla tutuboloha+Le ditsebe tsa ba sa utlweng di bulehe.+
6 Ka nako eo, ya holofetseng o tla tlolatlola jwalo ka kgama,+Ya sa kgoneng ho bua o tla hweletsa a thabile.+
Metsi a tla kolla lefeellengLe melapo e phalle lehwatateng.
7 Sebaka se tjhesitsweng ke letsatsi e tla ba letamo le nang le lehlaka,Mobu o nyorilweng e be didiba tsa metsi.+
Dilaong* tseo diphokojwe di neng di phomola ho tsona+Ho tla ba le jwang bo botala, lehlaka le lodi.
8 Ho tla ba le tsela e kgolo,+E bitswang Tsela ya Kgalalelo.
Motho ya sa hlwekang a ke ke a tsamaya ho yona.+
E boloketswe ya dumeletsweng ho tsamaya ho yona.
Ha ho mang kapa mang ya se nang kelello ya tla kgelohela ho yona.
9 Ho ke ke ha eba le tau moo.
Ha ho dibata tse bohale tse tla tla ho yona.
Di ke ke tsa fumanwa moo,+Ho tla tsamaya feela ba rekilweng kgolehong.+
10 Ba lopolotsweng ke Jehova ba tla kgutla+ mme ba tle Sione ka mohoo wa thabo.+
Ba tla rwala korone ya thabo ho ya ho ile.+
Ba tla fumana thabo e kgaphatsehang le nyakallo,Mesarelo le masisapelo e tla ba pale ya maobane.+
Dintlha tse qetellong ya sehloho
^ E leng moo ho dulang diphokojwe.
