Diproverbia 5:1-23
5 Mora wa ka, mamela mantswe a ka a bohlale.
O mamele ka hloko seo ke se rutang ka temoho*+
2 E le hore o lebele bokgoni ba hao ba ho nahanaO be o bue nnete ka mehla.+
3 Etswe mantswe a mosadi ya boitshwaro bo bobe* a monate jwalo ka mahe a dinotshi,+A boreledi ho feta oli.+
4 Empa qetellong o baba jwalo ka lengana,+O bohale jwalo ka sabole e sehang ka nqa tse pedi.+
5 Maoto a hae a theohela lefung.
Mehato ya hae e lebisa Lebitleng.*
6 Ha a tsotelle tsela ya bophelo.
Ditsela tsa hae di hlahlatheletse moo a sa tsebeng.
7 Jwale bara ba ka, mmamelengMme le se ke la iphapanyetsa seo ke se buang.
8 Tsamaellang hole le yena,Le se ke la atamela monyako wa ntlo ya hae+
9 E le hore le se ke la itlosa seriti+Kapa la sotleha bophelo bohle ba lona+
10 E le hore batho ba bang ba se ke ba ja matla a lona+Kapa dintho tseo le di sebeleditseng ka thata tsa jewa lefa ke motho e mong.
11 Ho seng jwalo, le tla lla qetellong ya bophelo ba lonaHa mmele ya lona le matla a lona a fela,+
12 Le tla re: “Ke ne ke hloile ho kgalemelwa,Ke* hloile ho bontshwa diphoso.
13 Ke ne ke sa mamele barupedi ba kaKe bile ke iphapanyetsa mesuwe ya ka.
14 Ke haufi le ho lahlehelwa ke sohle,Ke ikutlwa ke swabile ka pela batho ba Modimo.”*+
15 Nwa metsi a tswang sedibeng sa haoLe metsi a phallang* nokaneng ya hao.+
16 Ke hobaneng ha o batla hore didiba tsa hao di hasane ka ntleLe melapo ya hao ya metsi e hasane diterateng?+
17 E ke e be tsa hao o le mong,O se ke wa di arolelana le batho ba bang.+
18 Sediba sa hao se ke se hlohonolofatswe,*O thabe le mosadi wa botjha ba hao,+
19 O jwalo ka kgama e tshehadi e ratehang kapa potsanyane*+ e ntle.
Matswele a hae a o kgotsofatse* ka dinako tsohle.
E se eka lerato la hae le ka o taha ka mehla.+
20 Mora wa ka, ke hobaneng ha o ka kgahlwa ke mosadi wa letekatse*Kapa wa manama sefubeng sa mosadi ya boitshwaro bo bobe?*+
21 Jehova o bona ditsela tsa motho,O hlahloba ditsela tsohle tsa hae.+
22 Ya kgopo o tshwaswa ke diphoso tsa hae,O tla harelwa ke diropo tsa sebe sa hae.+
23 O tla shwa hobane ha a mamela ha a kgalemelwa,A kgelohe ka lebaka la bothoto ba hae.
Dintlha tse qetellong ya sehloho
^ Ka Seheberu: “Temoho ya ka o e sekehele tsebe.”
^ Ka Seheberu: “moditjhaba.” Sheba Diprov. 2:16.
^ Ka Seheberu: “Pelo ya ka e.”
^ Ka Seheberu: “hara phutheho.”
^ Kapa: “a monate.”
^ Kapa: “Mohlodi wa hao wa metsi o ke o hlohonolofatswe.”
^ Ka Seheberu: “Podi ya thaba.”
^ Kapa: “a o tahe.”
^ Ka Seheberu: “osele.” Sheba Diprov. 2:16.
^ Ka Seheberu: “moditjhaba.” Sheba Diprov. 2:16.
