Diproverbia 4:1-27
4 Bara ba ka, mamelang ha ntate a le laya.+
Le mamele ka hloko e le hore le be le kutlwisiso
2 Ka ha ke tla le fa tayo e molemo.
Le se ke la lahla thuto ya ka.*+
3 Ke ne ke le mora ya mamelang ho Ntate,+Ke bile ke ratwa haholo ke Mme.+
4 Ntate o ile a ntaela a re: “E se eka mantswe a ka a ka dula a tsitsitse pelong ya hao.+
Mamela ditaelo tsa ka e le hore o phele halelele.+
5 Fumana bohlale, fumana kutlwisiso.+
O se ke wa lebala mantswe a ka kapa hona ho iphapanyetsa ona.
6 O se ke wa tlohela bohlale, bo tla o sireletsa.
Bo rate, bo tla o lebela.
7 Bohlale ke ntho ya bohlokwa ka ho fetisisa.+ Ka hoo, fumana bohlale.
Ka hodima dintho tsohle tseo o di fumanang, fumana kutlwisiso.+
8 Nka bohlale bo le bohlokwa haholo mme bo tla o phahamisa.+
Bo tla o tlotla hobane o a bo amohela.+
9 Bo tla o rwesa mokgabiso o motle hloohong,Bo o kgabise ka korone e ntle.”
10 Mora wa ka, mamela o be o amohele mantswe a kaMme o tla phela halelele.+
11 Ke tla o ruta tsela ya bohlale,+Ke o tataisetse ditseleng tse lokileng.+
12 Ha o tsamaya, mehato ya hao e ke ke ya sitiswa ke letho,Haeba o matha, o ke ke wa kgoptjwa.
13 Amohela tayo, o se ke wa e hana.+
O dule o e hopola hobane e tla o phedisa.+
14 O se ke wa kena tseleng ya batho ba kgopo,O se ke wa tsamaya tseleng ya ba kgopo.+
15 O se ke wa nka tsela eo, e qobe.+
Tsamaella hole le yona mme o iphetele+
16 Hobane batho ba kgopo ha ba kgone ho robala ntle le hore ba etse bobe,Ha ba sa kgope motho, ba sitwa ho robala.
17 Ba ja bohobe ba bokgopo,Ntwa ke veine ya bona.
18 Empa tsela ya ba lokileng e tshwana le mahlasedi a mesoAo kganya ya ona e ntseng e eketseha ho fihlela hara mpa ya motshehare.+
19 Tsela ya ba kgopo e jwalo ka lefifi,Ha ba tsebe hore na ba kgoptjwa ke eng.
20 Mora wa ka, o ele hloko mantswe a ka.
Mamela dipolelo tsa ka ka hloko.*
21 O se ke wa di lebala,O di boloke ka pelong ya hao.+
22 Ke bophelo ho ba di amohelang+Le bophelo bo botle mmeleng ya bona.
23 O sireletse pelo ya hao ho feta dintho tse ding tsohle+Ka ha didiba tsa bophelo di tswa ho yona.
24 Tlohela dipuo tsa leshano,+Dipuo tsa bolotsana di be hole le wena.
25 Mahlo a hao a lokela ho sheba pele,O tsepamise mahlo a hao pele.+
26 Tlosa ditshitiso tseleng ya hao*+E le hore ditsela tsohle tsa hao di loke.
27 O se ke wa kgelohela ka ho le letona kapa ka ho le letshehadi.+Furalla dintho tse mpe.
Dintlha tse qetellong ya sehloho
^ Kapa: “molao wa ka.”
^ Ka Seheberu: “O sekehele dipolelo tsa ka tsebe.”
^ Kapa mohlomong: “Nahanisisa ka ditsela tsa hao.”
