Dipesaleme 79:1-13
Pina ya Asafe.+
79 Modimo, ditjhaba di hlasetse lefa la hao.+
Di silafaditse tempele ya hao e halalelang.+
Di entse Jerusalema qubu ya majwe.+
2 Di bolaile bahlanka ba hao, tsa ba fa dinonyana hore di ba je.
Tsa bolaya bahlanka ba hao ba tshepahalang, tsa ba fa dibata.+
3 Di tsholotse madi a bona jwalo ka metsi hohle Jerusalema,Ha ho na ya setseng hore a ka ba pata.+
4 Baahisani ba rona ba se ba re nyatsa.+
Ba re potolohileng ba a re soma ebile ba a re tsheha.
5 Jehova, o tla dula o halefile ho fihlela neng? Ka ho sa feleng?+
Bohale ba hao bo tla tuka jwalo ka mollo ho fihlela neng?+
6 Ntshetsa bohale ba hao ho ditjhaba tse sa o tsebengLe ho mebuso e sa hlompheng lebitso la hao.+
7 Di fedisitse JakoboHape tsa senya naha ya hae.+
8 O se ke wa re otlela diphoso tsa baholoholo ba rona.+
Potlaka, o re hauhele+Hobane re feletswe ke matla.
9 Re thuse, Modimo wa rona ya re pholosang,+Ka lebaka la lebitso la hao le kganyang.
Re pholose mme o tshwarele* dibe tsa rona ka lebaka la lebitso la hao.+
10 Ke hobaneng ha ditjhaba di lokela ho re: “O hokae Modimo wa bona?”+
E se eka re ka bona ha o tsebisa ditjhabaHore o ipheteditse ho ba bolaileng bahlanka ba hao.+
11 E se eka o ka utlwa sello sa motshwaruwa.+
Sebedisa matla* a hao a maholo ho boloka* ba ahloletsweng lefu.+
12 O ahlole baahisani ba rona ka makgetlo a supileng+Hobane ba ile ba o nyefola, Jehova.+
13 Rona batho ba hao le mohlape wa lekgulo la hao,+Re tla o leboha ka ho sa felengEbile re tla o rorisa ho tloha molokong o mong ho ya ho o mong.+
Dintlha tse qetellong ya sehloho
^ Ka Seheberu: “kwahele.”
^ Ka Seheberu: “letsoho.”
^ Kapa mohlomong: “lokolla.”
