Dipesaleme 21:1-13
Ho motsamaisi. Pina ya Davida.
21 Jehova, morena o thabiswa ke matla a hao.+O thaba haholo hobane o a mo pholosa.+
2 O mo file seo pelo ya hae e se lakatsang+Ebile ha o a mo hanela ka dintho tseo a di kopileng. (Selah)
3 O mo fa ditlhohonolofatso tse ngata.O mo rwesa korone ya kgauta e hlwekisitsweng.+
4 O o kopile bophelo mme wa mo fa bona,+Wa mo fa bophelo bo bolelele ka ho sa feleng.
5 O hlomphuwa haholo hobane o a mo pholosa.+O mo fa seriti le bokgabane.
6 O mo hlohonolofatsa ka ho sa feleng.+O etsa hore a thabe hobane o na le yena.+
7 Morena o tshepa Jehova.+A ke ke a sisinngwa le ka mohla, ka lebaka la lerato* la ya Phahameng ka ho Fetisisa.+
8 Letsoho la hao le tla tshwara dira tsohle tsa hao.Letsoho la hao le letona le tla tshwara ba o hloileng.
9 Ha o tla o tlo ba hlahloba ka nako eo o e behileng, o tla ba fedisa jwalo ka ha eka o ba lahlela mollong.Jehova o tla ba kwenya a halefile mme mollo o tla ba fedisa.+
10 O tla fedisa ditloholo* tsa bona lefatsheng,O fedise bana ba bona hara batho.
11 Ba ne ba o reretse dintho tse mpe.+Ba lohile mano a ke keng a atleha.+
12 O tla etsa hore ba balehe+Ka ho ba supa ka seqha.*
13 Etsa ho hong hle Jehova mme o bontshe matla a hao.Re tla o binela dithoriso ka lebaka la matla a hao.
