Dipesaleme 135:1-21
135 Rorisang Jah!*
Rorisang lebitso la Jehova.
Lona bahlanka ba Jehova, mo roriseng,+
2 Lona ba sebetsang ka tlung ya Jehova,Mabaleng a ntlo ya Modimo wa rona.+
3 Rorisang Jah hobane Jehova o molemo.+
Binelang* lebitso la hae dipina tsa thoriso hobane ke ntho e ntle.
4 Jah o ikgethetse Jakobo,O ikgethetse Iseraele hore e be thepa ya hae e kgethehileng.*+
5 Ke a tseba hore Jehova o moholo.
Morena wa rona o moholo ho feta medimo e meng yohle.+
6 Jehova o etsa ntho e nngwe le e nngwe eo a batlang ho e etsa+Lehodimong le lefatsheng, mawatleng le dibakeng tsohle tse tebileng.
7 O etsa hore maru* a nyolohe ho tswa dikgutlong tsa lefatshe.
O etsa lehadima* bakeng sa pula.
O bulela moya moo a o kwaletseng teng.*+
8 O ile a bolaya matsibolo a batho le a diphoofolo Egepeta.+
9 A etsa dipontsho le mehlolo Egepeta,+A di etsa ho Faro le ho bahlanka bohle ba hae.+
10 O ile a bolaya ditjhaba tse ngata,+A bolaya le marena a matla+
11 E leng Sihone morena wa Baamore,+Oge morena wa Bashane+Le mebuso yohle ya Kanana.
12 A fana ka naha ya bona e le lefa,A e fa setjhaba sa hae sa Iseraele.+
13 Jehova, lebitso la hao le dula le le teng.
Jehova, o tla dula o tumme* le melokong yohle e tlang.+
14 Jehova o tla lwanela* batho ba hae,+O tla utlwela bahlanka ba hae bohloko.+
15 Ditshwantsho tseo ditjhaba di di rapelang di entswe ka silevera le kgauta,Di entswe ke batho.+
16 Di na le melomo empa ha di bue.+
Di na le mahlo empa ha di bone.
17 Di na le ditsebe empa ha di utlwe.
Ebile ha di kgone le ho hema.+
18 Batho ba di etsang ba tla tshwana le tsona+Le bohle ba di tshepang ba tla tshwana le tsona.+
19 Baiseraele, rorisang Jehova.
Rorisang Jehova lona ba lelapa la Arone.
20 Ba lelapa la Levi, rorisang Jehova.+
Rorisang Jehova lona ba tshabang Jehova.
21 E se eka Sione ho ka roriswa Jehova+Ya dulang Jerusalema.+
Rorisang Jah!+
Dintlha tse qetellong ya sehloho
^ Kapa: “Halelujah!” “Jah” ke kgutsufatso ya lebitso Jehova.
^ Kapa: “Letsetsang.”
^ Kapa: “letlotlo la hae.”
^ Kapa: “mohodi.”
^ Kapa mohlomong: “mekwallo ya metsi.”
^ Kapa: “matlong a polokelo.”
^ Kapa: “lebitso.” Ka Seheberu: “sehopotso.”
^ Kapa: “buella nyewe ya.”
