Dipesaleme 116:1-19
116 Ke rata JehovaHobane o a nkutlwa* ha ke kopa thuso.+
2 O a mmamela.*+
Ke tla llela ho yena ha feela ke ntse ke phela.*
3 Diropo tsa lefu di ne di nthatetse.
Ke ne ke utlwa eka ke haufi le ho theohela Lebitleng.*+
Ke ne ke tshwenyehile ebile ke saretswe haholo+
4 Empa ke ile ka bitsa lebitso la Jehova ka re:+
“Jehova, mpholose.”
5 Jehova o na le kutlwelobohloko* ebile o lokile.+
Modimo wa rona o mohau.+
6 Jehova o sireletsa ba se nang boiphihlelo.+
Ke ne ke feletswe ke matla yaba o a mpholosa.
7 E se eka nka phomola hapeHobane Jehova o bile mosa ho nna.
8 O mpholositse lefung,Wa etsa hore ke se ke ka lla le hore leoto la ka le se ke la kgoptjwa.+
9 Ke tla tsamaya ka pela Jehova ha ke ntse ke phela.
10 Ke ne ke ena le tumelo. Ka hoo, ke ile ka bua+Le hoja ke ne ke tshwenyehile haholo.
11 Ke ile ka tshoha ka re:
“Batho bohle ba leshano.”+
12 Ke tla patala Jehova ka engBakeng sa dintho tsohle tse molemo tseo a nketseditseng tsona?
13 Ke tla amohela kopi ya poloko hore ke mo lebohe,Ke tla bitsa lebitso la Jehova.
14 Ke tla phetha dikano tsa ka ho JehovaKa pela batho bohle ba hae.+
15 Jehova o utlwa bohloko haholo*Ha batho ba hae ba mo tshepahallang ba hlokahala.+
16 Ke a o kopa hle JehovaKa ha ke mohlanka wa hao.
Ke mohlanka wa hao, mora wa lekgoba la hao la mosadi.
O ntopolotse ditlamong tseo ke neng ke le ho tsona.+
17 Ke tla o etsetsa sehlabelo sa ho o leboha.+
Ke tla bitsa lebitso la Jehova.
18 Ke tla phetha dikano tsa ka ho Jehova+Ka pela batho bohle ba hae,+
19 Mabaleng a ntlo ya Jehova,+Motseng wa Jerusalema.
Rorisang Jah!*+
Dintlha tse qetellong ya sehloho
^ Kapa mohlomong: “Ke a rata hobane Jehova o a utlwa.”
^ Kapa: “O inamela tlase hore a ntshekehele tsebe.”
^ Ka Seheberu: “matsatsing a ka.”
^ Ka Seheberu: “mahlomola a Sheole a mphumane.”
^ Kapa: “mosa.”
^ Kapa: “Lefu la ba tshepahalang ke la bohlokwa haholo.”
^ Kapa: “Halelujah!” “Jah” ke kgutsufatso ya lebitso Jehova
