Dipesaleme 106:1-48
106 Rorisang Jah!*
Lebohang Jehova hobane o molemo.+
Lerato la hae ha le fele le ka mohla.+
2 Ke mang ya ka phatlalatsang mesebetsi yohle ya Jehova e matlaKapa a bue ka diketso tsohle tsa hae tse tshwanelwang ke ho roriswa?+
3 Ho thaba batho ba etsang dintho ka toka,Ba dulang ba etsa dintho tse lokileng.+
4 O nkgopole hle Jehova, ha o bontsha batho ba hao mosa.+
O ntlhokomele mme o mpholose
5 E le hore ke tle ke thabele dintho tse molemo tseo o di etsetsang bao o ba kgethileng+Le hore ke thabe le setjhaba sa hao,Ke tle ke o rorise ke le motlotlo* le batho bao e leng lefa la hao.
6 Re entse sebe feela jwalo ka baholoholo ba rona.+
Re fositse ebile re entse dintho tse kgopo.+
7 Ha baholoholo ba rona ba le Egepeta, ha ba a ka ba ananela* dintho tse hlollang tseo o ileng wa ba etsetsa tsona.
Ba ile ba lebala hore o ba rata haholoYaba ba o fetohela ha ba le Lewatleng le Lefubedu.+
8 O ile a ba pholosa hore lebitso la hae le tlotliswe+Le hore batho ba tle ba tsebe hore o matla.+
9 A kgalemela Lewatle le Lefubedu mme la psha.
A ba fetisa botebong ba lona jwalo ka ha eka o ba fetisa lehwatateng.*+
10 O ile a ba pholosa ho ba ba hloileng,+A ba pholosa ho dira tsa bona.+
11 Dira tsa bona tsa kwahelwa ke metsi.
Ha ho le ya mong wa tsona ya ileng a phonyoha.*+
12 Ka mora moo, ba ile ba dumela tshepiso ya hae+Yaba ba mo binela dithoriso.+
13 Empa ba ile ba lebala kapele seo a se entseng.+
Ha ba a ka ba emela hore a ba bolelle seo ba lokelang ho se etsa.
14 Ba ile ba laolwa ke ditakatso tsa bona tsa boithati lefeelleng,+Ba leka Modimo lehwatateng.+
15 O ile a ba fa seo ba se kopangEmpa ka mora moo a ba otla ka bolwetse bo ileng ba ba bolaya.+
16 Ha ba le ditenteng ba ile ba monela MosheLe Arone+ ya halalelang ho Jehova.+
17 Lefatshe la buleha mme la kwenya DathaneLa ba la kwahela ba neng ba bokane le Abirame.+
18 Mollo wa tuka sehlopheng sa bona.
Lelakabe la tjhesa ba kgopo.+
19 Ba etsa namane Horebe,Ba inamela setshwantsho sa tshepe.*+
20 Ba rapela setshwantsho sa poho e jang jwang+Ho ena le ho mpha tlotla e ntshwanelang.
21 Ba lebala Modimo,+ Mopholosi wa bona,Ya ileng a ba etsetsa dintho tse kgolo Egepeta,+
22 A ba etsetsa dintho tse hlollang naheng ya Kama+Le dintho tse tshosang Lewatleng le Lefubedu.+
23 O ne a le haufi le ho laela hore ba fedisweEmpa Moshe eo a mo kgethileng,A mo kopa hore a se ke a halefa mme a ba fedisa.+
24 Ba ile ba nyatsa naha e ntle.+
Ba ne ba sa dumele tshepiso ya hae.+
25 Ba nna ba korotla ditenteng tsa bona.+
Ha ba a ka ba mamela Jehova.+
26 O ile a phahamisa letsoho, a ikanaHore o tla ba fedisa lefeelleng,+
27 A fedise le ditloholo tsa bona hara ditjhabaLe hore o tla ba hasanya dinaheng tsohle.+
28 Ba rapela Baale wa Peore+Mme ba ja mahlabelo a etseditsweng bafu.*
29 Ba mo kgopisa ka diketso tsa bona+Yaba ba tshwarwa ke bolwetse bo bolayang.+
30 Empa ha Finease a ema mme a kenella,Bolwetse bo bolayang bo ile ba fela.+
31 Ka lebaka leo, o ile a nkwa e le motho ya lokilengMelokong yohle, ka ho sa feleng.+
32 Ba ile ba halefisa Modimo metsing a Meriba*Yaba dintho di tsamaela Moshe hampe ka lebaka la bona.+
33 Ba ile ba mo halefisa haholoYaba o bua a sa nahana.+
34 Jehova o ne a ba laetse hore ba fedise ditjhaba+Empa ha ba a ka ba di fedisa.+
35 Ho ena le hoo, ba ile ba tlwaelana le ditjhaba tseo,+Ba ithuta le mekgwa ya tsona.+
36 Ba nna ba rapela ditshwantsho tsa tsona+Mme dintho ha di a ka tsa ba tsamaela hantle.*+
37 Ba ne ba etsetsa bademona mahlabelo+Ka bara le baradi ba bona.
38 Ba nna ba bolaya batho ba se nang molato,+Ba bolaya bara le baradi ba bonaKa ho etsetsa ditshwantsho tsa Kanana mahlabelo ka bona.+
Ba silafatsa naha ka ho tsholla madi.
39 Ba itshilafatsa ka dintho tseo ba neng ba di etsa.
Ha ba a ka ba tshepahalla Modimo* ka diketso tsa bona.+
40 Jehova a halefela setjhaba sa hae,A hloya batho ba hae.
41 Hangata o ne a tlohela ditjhaba tse ding hore di ba hlole+E le hore dira tsa bona di ba buse.+
42 Dira tsa bona di ne di ba hatellaDi bile di ba laola.
43 O ne a ba pholosa ka makgetlo a mangata+Empa ba ne ba mo fetohela mme ba sa mo mamele+Ebe ba a tlotlolleha ka lebaka la diphoso tsa bona.+
44 Empa o ne a bona ka moo ba tshwenyehileng ka teng,+A ba utlwa ha ba lla ba kopa thuso.+
45 O ne a hopola selekane sa hae seo a se entseng le bona,A bile a ba utlwela bohloko* hobane a ba rata haholo.+
46 O ne a etsa hore batho bohle ba ba hapilengBa ba qenehele.+
47 Re pholose, Jehova Modimo wa rona.+
O re phuthe ditjhabeng+E le hore re ka rorisa lebitso la hao le halalelangRe be re o rorise re thabile.+
48 Jehova Modimo wa Iseraele a ke a rorisweKa ho sa feleng.+
Batho bohle ba ke ba re, “Amen!”*
Rorisang Jah!*
Dintlha tse qetellong ya sehloho
^ Kapa: “Halelujah!” “Jah” ke kgutsufatso ya lebitso Jehova.
^ Kapa: “ke ithorise.”
^ Kapa: “utlwisisa.”
^ Kapa: “lefeelleng.”
^ Kapa: “a sala.”
^ Kapa: “seemahale se entsweng ka ho qhibidihiswa.”
^ E leng mahlabelo a etsetswang bafu kapa medimo e sa pheleng.
^ E bolelang “Ho Qabana.”
^ Ka Seheberu: “ya eba leraba ho bona.”
^ E leng ho etsa botekatse ba tshwantshetso kapa ho sebeletsa medimo e meng.
^ Kapa: “a ikutlwe a swabile.”
^ Kapa: “Ha ho be jwalo!”
^ Kapa: “Halelujah!” “Jah” ke kgutsufatso ya lebitso Jehova.
