NA E ENTSWE?
Tsela e Hlollang eo Nko ya Ntja e Fofonelang ka Yona
Bafuputsi ba re dintja di kgona ho fofonela hore na ntja e nngwe e na le dilemo tse kae, hore na ke ya ntate kapa ya mme le hore na ntja e nngwe e ikutlwa jwang. Dintja di ka kgona ho kwetlisetswa hore di fofonele dithethefatsi le dintho tse ding tse seng molaong. Ha batho ba sebedisa mahlo a bona ho hlahlobisisa se etsahetseng, ntja yona e sebedisa nko ya yona ho fofonela se etsahetseng.
Nahana ka sena: Tsela eo ntja e kgonang ho fofonela ka yona, e feta ya batho ka makgetlo a 10 000 ho ya ho a 100 000. Ho ya ka U.S. National Institute of Standards and Technology, “ntjha e kgona ho fofonela monko wa ntho e nngwe le e nngwe le haeba e tswakilwe le e meng. Sena se bolela hore le haeba ho ka tshelwa teaspoon ya tshwekere ka hara swimming pool e kgolo ya di Olympic, ntjha e ka kgona ho utlwa hore ho na le tswekere ka moo.”
Hobaneng ha tsela eo ntjha e fofonelang ka yona e feta ya batho?
Nko ya ntja e mongobo, ka hoo e kgona ho utlwa menko e fapaneng.
Nko ya ntja e na le masoba a mabedi, le leng e le sebedisetsa ho hema mme le leng e le sebedisetsa ho fofonela. Ha ntja e fofonela, di cell tsa yona tse e thusang ho fofonela tse ka hara nko, di e thusa hore e kgone ho utlwa hore na ke eng e nkgang.
Karolo e ka hare ya nko ya ntja e ka ba boholo ba di square centimeter tse 130 kapa ya feta moo, athe ya motho yona e ka ba di square centimeter tse 5 feela.
Di cell tsa ntja tse e thusang ho fofonela, di feta tsa batho ka makgetlo a 50.
Di cell tsena di thusa ntja hore e kgone ho utlwa monko wa ntho e nngwe le e nngwe le dinthong tse tswakilweng. Ka mohlala, ditsebi tse ding di re ha ho phehilwe sopho, re kgona ho utlwa monko wa yona empa ntja yona e kgona ho utlwa monko wa ntho e nngwe le e nngwe e kentsweng ka sophong.
Bafuputsi ba Pine Street Foundation, ba etsang dipatlisiso ka kankere ba re: “Nko ya ntja e sebedisana le boko ba yona, ka hoo ho a hlolla hore ebe e kgona ho utlwa monko ka tsela e jwalo.” Borasaense ba ntse ba etsa di sebediswa tsa elektronike tse kgonang ho utlwa dintho tse seng molaong jwalo ka dithethefatsi, le ho sheba mafu a akarelletsang lefu la kankere.
Wena o nahanang ka taba ee? Na tsela eo ntja e kgonang ho fofonela ka yona e iketsahalletse fela? Kapa na e entswe?
O ka Nna wa Rata le Tsena
DITHUTO TSA BOHLOKWA TSE HLAHANG KA BIBELENG
Na Bokahohle bo Entswe?
Tlaleho ya Bibele ya ka moo dintho di bopilweng ka teng, hangata batho ha ba e utlwisise mme ba bang ba re ha se nnete. Na re ka tshepa seo Bibele e se buang?
MABAPI LE RONA
Kopa Hore Dipaki Tsa Jehova di o Etele
Buisana le Dipaki Tsa Jehova ka sehlooho sa Bibele, kapa o ithute Bibele le rona.