Lokwentiwa NguFiliphu

I-VIDEO: Filiphu Ushumayela Indvuna Yesigodlo SaseTopiya

1. Bukela le-VIDEO, nobe ufundze Imisebenti 8:30, 31, bese uphendvula lemibuto lelandzelako:

1.    Filiphu uyicalise njani incociswano?

2.   Sisho ngani kutsi lena bekuyindlela levamile yekucalisa incociswano, leyenta kutsi Filiphu afundzise lendvodza emaciniso eliBhayibheli lamasha?

Yini Lesiyifundzako KuFiliphu?

2. Nangabe sivumela incociswano kutsi ichubeke ngendlela levamile, manyenti ematfuba langenta umuntfu lesicoca naye kutsi ative akhululekile futsi awulalele umlayeto wetfu.

 Lingisa Filiphu

3. Bani ngumuntfu lonakako. Singafundza lokunyenti ngemuntfu nasibuka indlela lanyakatisa ngayo umtimba nesimo sakhe sebuso. Lomuntfu uyafuna yini kucoca nawe? Ungahle ucale ngekukhuluma ngalokutsite lokuseBhayibhelini ngekutsi umbute utsi, “Bewati yini kutsi . . . ?” Ungamphoceleli umuntfu kutsi akhulume nawe nangabe angafuni kukhuluma.

4. Beketela. Ungasheshi ukhulume ngemaciniso laseBhayibhelini usacala nje kucoca nemuntfu. Mela litfuba lelikahle lekutsi ucoce ngawo. Ngalesinye sikhatsi kungadzingeka kutsi ulindze kuze kubengulapho utfola lelinye litfuba lekuphindze ucoce naye loyo muntfu.

5. Tivumelanise netimo. Lomuntfu angahle acale kucoca ngentfo longakayigadzi. Kulungele kucoca nganobe yini lehambisana nalesimo salomuntfu, ngisho nobe kusho kucoca ngalokwehlukile kuloko bewukulungiselele.