Setfulo Sencenye 2
Jehova wababhubhiselani bantfu ngaZamcolo endvulo? Emlandvweni webantfu bekucala, kwacala kuba nemehluko emkhatsini walokuhle nalokubi. Labanye bantfu njenga-Adamu, Eva kanye naKhayini bakhetsa kwenta lokubi. Labambalwa njenga-Abela naNowa bakhetsa kwenta lokuhle. Bantfu labanyenti benta tintfo letimbi kakhulu kangangekutsi Jehova waze wababhubhisa. Lencenye itawusita umfundzi abone kutsi Jehova uyakwati loko lesikukhetsako futsi angeke aze avumele kutsi lokubi kuncobe lokuhle.
LOKUKULELIKHASI
SIFUNDVO 3
Bo-Adamu Na-Eva Abazange Bamlalele Nkulunkulu
Yini lebeyikhetsekile ngesihlahla sinye ensimini yase-Edeni? Yini leyenta Eva wadla sitselo salesihlahla?
SIFUNDVO 4
Intfukutselo Yamenta Umbulali
Nkulunkulu wawemukela umnikelo wa-Abela kodvwa akawemukelanga waKhayini. Nakabona loko, Khayini watfukutsela kakhulu futsi wenta intfo lembi kakhulu.
SIFUNDVO 5
Umkhumbi WaNowa
Ngesikhatsi tingilosi lebetisuka ezulwini titfola bafati emhlabeni, taba nemadvodzana latidlakela. Umhlaba wawugcwele bubi. Kodvwa Nowa abelungile—abetsandza Nkulunkulu futsi amlalela.
SIFUNDVO 6
Kwasindza Bantfu Labangu-8 KuZamcolo
Litulu layitsela emalanga langu-40 nebusuku lobungu-40. Nowa nemndeni wakhe bahlala emkhunjini umnyaka wonkhe. Ngemuva waloko babese bayaphuma.
