SIFUNDVO 28
Khombisa Kubonga Ngaloko Jehova NaJesu Labakwentele Kona
Utiva njani nangabe umngani wakho akupha sipho lesihle? Ujabula kakhulu, futsi ufuna kukhombisa lomngani wakho kutsi uyasijabulela lesipho. Jehova naJesu basiphe sipho lesikhulu kunato tonkhe lesake saphiwa tona. Siyini lesipho, futsi singakhombisa njani kutsi siyabonga ngaso?
1. Singakhombisa njani kutsi siyabonga ngaloko Nkulunkulu naKhristu labasentela kona?
LiBhayibheli letsembisa kutsi ‘wonkhe umuntfu lokholwa [nguJesu]’ angaphila phakadze. (Johane 3:16) Kusho kutsini kukholwa? Kusho lokungetulu nje kwekukholelwa kuJesu. Kudzingeka sikhombise kukholwa kwetfu ngetincumo lesitentako nangetento tetfu. (Jakobe 2:17) Nasikhombisa kukholwa kwetfu ngaloko lesikwentako kanye nalesikushoko, sisuke sicinisa buhlobo betfu naJesu kanye naBabe wakhe, Jehova.—Fundza Johane 14:21.
2. Ngumiphi imibutsano lekhetsekile lesisita sikhombise kutsi siyabonga ngaloko Jehova naJesu labasentela kona?
Ngebusuku bangaphambi kwekufa kwakhe, Jesu watjela balandzeli bakhe ngalenye indlela lebebangakhombisa ngayo kutsi bayabonga ngemhlatjelo wakhe. Wacalisa umkhosi lobalulekile liBhayibheli leliwubita ngekutsi “Sidlo SeNkhosi Sakusihlwa,” lophindze ubitwe ngekutsi Sikhumbuto Sekufa KwaJesu. (1 KubaseKhorinte 11:20) Jesu wacalisa lomkhosi kuze baphostoli bakhe kanye nawo onkhe emaKhristu eliciniso labetawuba khona ngemuva kwabo akhumbule kutsi wanikela ngekuphila kwakhe ngenca yetfu. Nakakhuluma ngalomkhosi, Jesu watsi: “Chubekani nikwenta ningikhumbula.” (Lukha 22:19) Nawuba khona eSikhumbutweni, usuke ukhombisa kubonga lokukhulu ngendlela Jehova naJesu labasitsandza ngayo.
CHUBEKA UFUNISISA
Hlola tindlela longakhombisa ngato kutsi uyabonga ngelutsandvo lolukhulu Jehova naJesu labakukhombisa lona. Cabanga ngekubaluleka kweSikhumbuto Sekufa KwaJesu.
3. Yini lesingayenta kuze sikhombise kutsi siyabonga?
Asesitsi ucwila emantini bese umuntfu lotsite uyakusindzisa. Bewungavele ukhohlwe yini ngaloko lomuntfu lakwentele kona? Nobe bewungafuna tindlela tekukhombisa kutsi uyabonga ngaloko lakwentele kona?
Sikweleta Jehova ngekuphila kwetfu. Fundza 1 Johane 4:8-10 bese nicoca ngalemibuto:
-
Yini leyenta umhlatjelo waJesu ube sipho lesikhetsekile?
-
Utiva njani ngaloko Jehova naJesu labakwentela kona?
Singakhombisa njani kutsi siyabonga ngaloko Jehova naJesu labasentela kona? Fundza 2 KubaseKhorinte 5:15 na-1 Johane 4:11; 5:3. Ngemuva kwekufundza umbhalo ngamunye, cocani ngalombuto:
-
Ngekusho kwalombhalo, yini lesingayenta kuze sikhombise kutsi siyabonga?
4. Lingisa Jesu
Lenye indlela lesingakhombisa ngayo kutsi siyabonga, kulingisa Jesu. Fundza 1 Phetro 2:21, bese nicoca ngalombuto:
-
Ungatilandzela njani tinyatselo taJesu edvute?
Jesu abelitsandza liVi laNkulunkulu, washumayela tindzaba letimnandzi, futsi wasita nalabanye
5. Bani khona eSikhumbutweni Sekufa KwaJesu
Kuze ubone loko lokwenteka nakugujwa Sidlo SeNkhosi Sakusihlwa kwekucala ngca, fundza Lukha 22:14, 19, 20, bese nicoca ngalemibuto:
-
Yini leyenteka kuleSidlo SeNkhosi Sakusihlwa?
-
Sinkhwa neliwayini kumelela ini?—Buka emavesi 19 na-20.
Jesu bekafuna kutsi bafundzi bakhe bagubhe Sikhumbuto Sekufa kwakhe njalo ngemnyaka ngelilanga lafa ngalo. Kungako BoFakazi BaJehova bahlangana njalo ngemnyaka kuze bakhumbule kufa kwaKhristu ngendlela layala ngayo. Kuze ufundze ngalomhlangano lobalulekile, Dlala le-VIDEO, bese nicoca ngalombuto lolandzelako.
-
Yini leyenteka eSikhumbutweni?
Lesinkhwa naleliwayini kutifanekiselo. Sinkhwa simelela umtimba waJesu lote sono lawunikela ngenca yetfu. Liwayini lona limelela ingati yakhe
LABANYE BANTFU BATSI: “Udzinga kukholwa kuJesu kuphela kuze usindziswe.”
-
Ungawusebentisa njani umbhalo waJohane 3:16 naJakobe 2:17 kuze ukhombise kutsi kudzingeka lokungetulu nje kwekukholwa?
LOKO LESICOCE NGAKO
Sikhombisa kutsi siyabonga ngaloko Jesu lasentela kona ngekutsi sikholwe kuye, siphindze sibe khona eSikhumbutweni sekufa kwakhe.
Yini Loyifundzile?
-
Kusho kutsini kukholwa kuJesu?
-
Nguyiphi indlela longatsandza kukhombisa ngayo kutsi uyabonga ngaloko Jehova naJesu labakwentela kona?
-
Kubaluleke ngani kuba khona eSikhumbutweni sekufa kwaJesu?
LOKUNYE LONGAKUHLOLA
Kufa kwaKhristu kusikhutsata kutsi senteni?
Fundza lokunyenti ngekukholwa nekutsi singakukhombisa njani.
“Khombisa Kukholwa Etetsembisweni TaJehova” (Sicongosekulindza, sa-October 2016)
Kulendzaba letsi “Angisahlushwa Unembeza Futhi Ngizizwa Ngijabule Ngokugcwele,” fundza kutsi kuphila kwalomunye wesifazane kwashintja njani nakatfola kutsi umhlatjelo waKhristu usho kutsini kuye.
“IBhayibheli Lishintja Ukuphila” (Sicongosekulindza, sa-August 1, 2011 lesitfolakala ngesiZulu)
Tfola kutsi kungani bambalwa labadlako eSikhumbutweni.
Lokunye Longatsandza Kukuhlola
IMIBUTO BANTFU LABAVAMISE KUYIBUTA
Siyini Sifundvo SeliBhayibheli Lesichutjwa BoFakazi BaJehova?
Ungasebentisa nobe ngabe nguliphi lihumusho leliBhayibheli nawutadisha naBoFakazi BaJehova. Ukhululekile kumema umndeni wakho wonkhe nobe bangani bakho kutsi babe khona nawufundza.
