Cala ngekutibuta kutsi kungani ufuna kufundza lomBhalo. Yetfula umBhalo ngamunye ngendlela letawenta labakulalele babone liphuzu leliyinhloko lofuna kuliveta ngalelo vesi.

Veta kutsi liBhayibheli liyincwadzi leliciniso. Nawukhuluma nebantfu labakholelwako kuNkulunkulu, gcizelela kutsi liBhayibheli “liliVi laNkulunkulu.” Ngekwenta njalo, utawube ukhombisa kutsi lingumtfombo wenhlakanipho lesingawetsemba.

Yenta labakulalele bafune kuhambisana nawe kulomBhalo. Buta umbuto lotawuphendvulwa ngumBhalo, usho simo lesitsite lesingalungiswa ngumBhalo, noma usho simiso lesitsite lomBhalo lotawubasita kutsi basicondze.