Tihlabelelo 36:1-12
Sicondziso lesiya kumcondzisi. Ingoma yaDavide loyinceku yaJehova.
36 Sono siyakhuluma ekujuleni kwenhlitiyo yalomubi;Akamesabi Nkulunkulu.+
2 Ukhohliswa yimicabango yakheKangangekutsi sono sakhe akasiboni futsi akasenyanyi.+
3 Emavi laphuma emlonyeni wakhe ayalimata futsi ayakhohlisa;Ute kucondza lokudzingwa ngumuntfu kute ente lokulungile.
4 Ngisho alele embhedzeni wakhe, wakha emacebo lalimatako.
Utitjele ngekuhamba endleleni lengakalungi;Akakubalekeli lokubi.
5 Awu Jehova, lutsandvo lwakho lolucotfo lufika emazulwini,+Kwetsembeka kwakho kufika emafini.
6 Kulunga kwakho kunjengetintsaba letinkhulu;*+Tehlulelo takho tinjengemanti lamanyenti lajulile.+
Awu Jehova, wena ulondvolota* umuntfu kanye nesilwane.+
7 Awu Nkulunkulu, lutsandvo lwakho lolucotfo luligugu kakhulu!+
Ngephansi kwemaphiko akho, kulapho bantfu bakhosela khona.+
8 Badla kudla lokunyenti* lokusendlini yakho baze benele,+Futsi ubanatsisa emfuleni wakho webuhle.+
9 Nguwe umtfombo wekuphila;+Kukhanya sikubona ekukhanyeni kwakho.+
10 Chubeka ubakhombisa lutsandvo lolucotfo labo labakwatiko,+Ubaphatse ngekulunga labanetinhlitiyo leticotfo.+
11 Ungavumi kutsi labatigabatisako bangigcobagcobe ngetinyawo taboNobe kutsi lababi bangicoshe.
12 Bantfu lababi bawile;Babajike phansi, futsi ngeke bakhone kuvuka.+
Imibhalo lengentansi
^ NgesiHebheru kutsi, “kunjengetintsaba taNkulunkulu.”
^ Nobe “usindzisa.”
^ NgesiHebheru kutsi, “lokunonile.”
