Kulandzisa KwaMatewu 1:1-25
1 Lena yincwadzi yemlandvo* waJesu Khristu,* indvodzana yaDavide+ loyindvodzana ya-Abrahama:+
2 Abrahama watala Isaka;+Isaka watala Jakobe;+Jakobe watala Juda+ nabomnakabo;
3 Juda watala Pheresi naZera+ kuThamari;Pheresi watala Hesroni;+Hesroni watala Ramu;+
4 Ramu watala Aminadabi;Aminadabi watala Nasoni;+Nasoni watala Salmoni;
5 Salmoni watala Bhowazi kuRahabi;+Bhowazi watala Obedi kuRuthe;+Obedi watala Jese;+
6 Jese watala iNkhosi Davide.+Davide watala Solomoni+ kumfati wa-Uriya;
7 Solomoni watala Rehobhowamu;+Rehobhowamu watala Abiya;Abiya watala Asa;+
8 Asa watala Jehoshafati;+Jehoshafati watala Jehoramu;+Jehoramu watala Uziya;
9 Uziya watala Jothamu;+Jothamu watala Ahazi;+Ahazi watala Hezekiya;+
10 Hezekiya watala Manase;+Manase watala Amoni;+Amoni watala Josaya;+
11 Josaya+ watala Jekhoniya+ kanye nabomnakabo, lebebaphila ngesikhatsi emaJuda atfunjelwa eBhabhulona.+
12 Ngesikhatsi aseBhabhulona, Jekhoniya watala Sheyaltiyeli;Sheyaltiyeli watala Zerubhabheli;+
13 Zerubhabheli watala Abhiyudi;Abhiyudi watala Eliyakimu;Eliyakimu watala Azori;
14 Azori watala Sadoki;Sadoki watala Akhimu;Akhimu watala Eliyudi;
15 Eliyudi watala Eliyezeri;Eliyezeri watala Mathani;Mathani watala Jakobe;
16 Jakobe watala Josefa indvodza yaMariya, longumake waJesu.+ Jesu ubitwa ngekutsi nguKhristu.+
17 Ngako-ke tonkhe titukulwane kusukela ku-Abrahama kuye kuDavide betingu-14; kusukela kuDavide kuye esikhatsini emaJuda latfunjwa ngaso ayiswa eBhabhulona, betingu-14; kusukela esikhatsini emaJuda latfunjwa ngaso eBhabhulona kute kube sesikhatsini saKhristu, betingu-14.
18 Nangu umlandvo wekutalwa kwaJesu Khristu: Ngesikhatsi make wakhe Mariya asatsembisene umshado naJosefa, watetfwala ngemandla emoya longcwele*+ basengakashadi.
19 Ngesizatfu sekutsi Josefa labetawushada naye abelungile futsi angafuni kumhlaza, wancuma kwehlukana naye ngasense.+
20 Kodvwa watsi nasacedzile kucabanga ngaloko, ingilosi yaJehova* yakhuluma naye ephusheni, yatsi: “Josefa ndvodzana yaDavide, ungesabi kutsatsa Mariya umente umkakho,* ngobe ukhulelwe ngemandla emoya longcwele.+
21 Utawubeleka indvodzana, futsi kufanele uyetse utsi nguJesu,*+ ngobe itawukhulula bantfu etonweni tabo.”+
22 Konkhe loku kwenteka kute kugcwaliseke loko lokwashiwo nguJehova* ngemphrofethi wakhe, nakatsi:
23 “Intfombi ntfo itawutetfwala, ibeleke indvodzana letawubitwa ngekutsi ngu-Imanuweli,”+ lokusho kutsi “Nkulunkulu Unatsi.”+
24 Ngemuva kwaloko Josefa wavuka ebutfongweni, wenta loko ingilosi yaJehova* lebeyimtjele kona, watsatsa Mariya waba ngumkakhe.
25 Kodvwa akazange alale naye kwaze kwaba ngulapho asabeleke indvodzana,+ futsi Josefa wayetsa watsi nguJesu.+
Imibhalo lengentansi
^ Nobe “luhla lwekutalwa.”
^ Nobe “waMesiya; Logcotjiwe.”
^ Nobe “ngemandla aNkulunkulu.”
^ Lena yindzawo yekucala kuletingu-237 emiBhalweni yemaKhristu yesiGriki lapho kuvela khona libito lelingcwele lelitsi Jehova emavesini lakulelihumusho. Fundza Sandzisanchazo A5.
^ NgesiGriki kutsi, “ungesabi kutsatsa Mariya umkakho uye naye ekhaya.”
^ Lifana nelibito lesiHebheru lelitsi Jeshuwa nobe Joshuwa, lelisho kutsi “Jehova Uyinsindziso.”
^ Fundza Sandzisanchazo A5.
^ Fundza Sandzisanchazo A5.
