Joweli 2:1-32
2 “Shayani luphondvo eSiyoni!+
Memetani entsabeni yami lengcwele nitsi imphi iyeta.
Bonkhe bantfu labahlala kulelive* abachachatele,Ngobe lilanga laJehova liyeta!+ Lisedvute!
2 Leli lilanga lebumnyama lobukhulu,+Lilanga lemafu nebumnyama lobukhasa phansi,+Lifana nekukhanya kwentsatsakusa nakukhanyisa tintsaba.
Kunebantfu labanyenti futsi labanemandla;+Abakaze babe khona,Futsi ngeke baphindze babe khonaEtitukulwaneni ngetitukulwane.
3 Embikwabo kunemlilo loshisa yonkhe intfo,Bese kutsi emuva kwabo kube nelilangabi lelicotfulako.+
Live lelisembikwabo lifana nensimu yase-Edeni,+Kodvwa emuva kwabo kunelihlane lelingenalutfoFutsi kute lokungasindza.
4 Bafanana nemahhashi,Futsi bagijima njengemahhashi emphi.+
5 Umsindvo wabo ufana nemsindvo wetincola temahhashi nakagabadvula eticongweni tetintsaba,+Nanjengemsindvo wemlilo lomkhulu nawushisa tinhlanga.
Bafana nesive lesinemandla lesihleleke saba libutfo lemphi.+
6 Ngenca yabo, tive titawuba lusizi.
Bonkhe bantfu batakwesaba.
7 Bahlasela njengelibutfo lemphi,Bacanca lubondza njengemasotja,Ngamunye wabo uchubeka asemgceni wakhe,Futsi abaphambuki etindleleni tabo.
8 Abafucani;Nguloyo naloyo uchubeka asemgceni wakhe.
Nangabe tikhali* tilimata labanye babo,Lalabanye bayachubeka.
9 Bagijimela edolobheni, bagijime elubondzeni.
Bacanca tindlu, bangene ngemafasitelo njengesigebengu.
10 Embikwabo umhlaba uyatamatama nemazulu ayanyakata.
Lilanga nenyeti sekumnyama,+Netinkhanyeti atisakhanyisi.
11 Jehova utawumemeta libutfo lakhe,+ ngobe libutfo lakhe likhulu kakhulu.+
Loyo lowenta livi laKhe lifezeke unemandla;Ngobe lilanga laJehova likhulu futsi liyesabeka.+
Ngubani longasindza kulo?”+
12 Jehova utsi: “Ngisho nanyalo nisengabuyela kimi ngayo yonkhe inhlitiyo yenu,+Ngekuzila kudla,+ ngekukhala nangekulila.
13 Ningadzabuli timphahla tenu nje kuphela, kodvwa kufanele nikhombise kutsi niphendvuke mbamba,*+Bese nibuyela kuJehova Nkulunkulu wenu,Ngobe yena uneluvelo nesihawu, uyephuta kutfukutsela,+ achichime nelutsandvo lolucotfo,+Futsi angase angasasiletsi lesijeziso.*
14 Kwati bani nje, mhlawumbe utawushintja futsi angasasiletsi* lesijeziso+Bese uyanibusisa,Khona nitawentela Jehova Nkulunkulu wenu umnikelo walokutinhlavu nemnikelo walokunatfwako.
15 Shayani luphondvo eSiyoni!
Memetelani* kutsi kuzilwe kudla; bitani umbutsano lokhetsekile.+
16 Hlanganisani sive; ningcwelise libandla.+
Butsani emadvodza lakhulile; hlanganisani bantfwana netinswane letisamunya.+
Umkhwenyane akaphume ekamelweni lakhe, namakoti aphume ekamelweni lakhe.
17 Tinceku taJehova letibaphristi atikhaleEmkhatsini wavulandi neli-al’thare+ futsi atitsi:
‘Awu Jehova, bani neluvelo kubantfu bakho;Ungalenti inhlekisa lifa lakho,Ngekutsi uvumele tive tibuse bantfu bakho.
Kungani bantfu kufanele batsi: “Uphi Nkulunkulu wabo?”’+
18 Jehova utawubese uba nenshisekelo ngelive lakheAbe naneluvelo kubantfu bakhe.+
19 Jehova utawuphendvula bantfu bakhe atsi:
‘Nginitfumelela lokutinhlavu neliwayini lelisha kanye nemafutsa,Nitawesutsa nitsi mpa;+Ngeke ngiphindze nginente nihlazeke etiveni.+
20 Umuntfu wasenyakatfo ngitamkhweshisela khashane nani;Ngitamyisa endzaweni lelugwadvule futsi lengenalutfo,Libutfo lakhe lelihamba ngembili ngitaliyisa elwandle lolusemphumalanga*Bese kutsi libutfo lakhe lelingemuva ngiliyise elwandle lolusenshonalanga.*
Liphunga lakhe litawukhuphuka,Liphunga lakhe lelibi litawuchubeka lenyuka;+Ngobe Nkulunkulu utawenta tintfo letinkhulu.’
21 Ningesabi nine bantfu labaseveni.
Jabulani futsi nitfokote ngobe Jehova utawenta tintfo letinkhulu.
22 Nine tilwane tesiganga ningesabi,Ngobe emadlelo asehlane atawuba luhlata,+Netihlahla titawutsela;+Sihlahla semakhiwa nesemagilebisi titawuletsa sivuno lesigcwele.+
23 Nine madvodzana aseSiyoni, jabulani futsi nitfokote ngaJehova Nkulunkulu wenu;+Ngobe utaniniketa imvula leyenele nakungena busika,Aphindze aniletsele nemvula lenyenti,Imvula lebakhona nakungena busika neyasentfwasahlobo, njengasekucaleni.+
24 Emabala ekubhulela atawugcwala lokutinhlavu lokweliwe,Netindzawo tekuhlutela titawugcwala liwayini lelisha kanye nemafutsa.+
25 Ngitanibuyisela sivuno lesinilahlekele kuleminyakaLesidliwe libulo letintsetse, tintsetse letite timphiko, sikhonyane lesishwabadzelako, kanye nesikhonyane lesicotfulako,Lokulibutfo lami lelikhulu lengilitfumele kini.+
26 Nome kanjani nitawudla nenele,+Futsi nitawudvumisa libito laJehova Nkulunkulu wenu,+Loyo lonentele tintfo letimangalisako;Bantfu bami ngeke baphindze bahlazeke.+
27 Nitawati kutsi mine ngisemkhatsini wema-Israyeli+Nekutsi nginguJehova Nkulunkulu wenu,+ futsi kute lomunye!
Bantfu bami ngeke baphindze bahlazeke.
28 Ngemuva kwaloko ngitawutfululela umoya wami+ kuto tonkhe tinhlobo tebantfu,Futsi emadvodzana enu nemadvodzakati enu atawuphrofetha,Emadvodza lasakhulile atawuphupha emaphupho,Kantsi nemajaha enu atawubona imibono.+
29 Ngisho netinceku tami kanye netincekukati tamiNgitatitfululela umoya wami ngalawo malanga.
30 Ngitawenta timangaliso* emazulwini nasemhlabeni.
Kutawuba nengati, umlilo kanye nekushunca kwentfutfu.+
31 Lilanga litawuba mnyama nenyeti ibe yingati,+Ngaphambi kwekutsi kufike lilanga laJehova lelikhulu nalelesabekako.+
32 Wonkhe umuntfu lobita libito laJehova utawusindziswa;+Ngobe eNtsabeni iSiyoni naseJerusalema kutawuba nalabatawusindza,+ njengobe Jehova ashito,Futsi batawuba semkhatsini walabasindzile, labo Jehova lababitako.”
Imibhalo lengentansi
^ Nobe “emhlabeni.”
^ Nobe “imicibisholo.”
^ NgesiHebheru kutsi, “nidzabule tinhlitiyo tenu.”
^ Nobe “atisole ngalesijeziso.”
^ Nobe “atisole ngalesijeziso.”
^ NgesiHebheru kutsi, “Ngcwelisani kuzila kudla.”
^ Lokusho, Lwandle Lolufile.
^ Lokusho, Lwandle LwaseMedithera.
^ Nobe “tibonakaliso.”
