Habakhuki 1:1-17
1 Loku lokulandzelako simemetelo lengasiva embonweni, mine Habakhuki* umphrofethi. Ngatsi:
2 ‘Awu Jehova, kuyawuze kube ngunini solo ngikhalela lusito kodvwa wena ungangiva?+
Kuyawuze kube ngunini solo ngikubita kuze ungisindzise ebudloveni?+
3 Kungani ungenta kutsi ngibone bubi?
Futsi kungani ubabeketelela bantfu labacindzetela labanye?
Kungani imbhubhiso nebudlova kusembikwami?
Futsi kungani kungevani nekucabana kukunyenti kangaka?
4 Kute lolalela umtsetfo,Nalokulungile akwentiwa sanhlobo.
Ngobe lababi banyenti kunalabalungile;Kungako bangehluleli ngekulunga.+
5 “Bukani emkhatsini wetive futsi ninakisise!
Bukisisani nimangele futsi netfukile;Ngobe kukhona lokutakwenteka emalangeni enuLeningeke nikukholwe ngisho nobe nitjelwa ngako.+
6 Ngobe ngitawubangela emaKhaledi kutsi efike,+Lokusive lesinebudlova nalesingacabangi.
Sikhukhula tindzawo letinkhulu temhlabaKuze sititsatsele emakhaya langasiwo aso.+
7 Siyetfusa futsi siyesabeka.
Sitibekela imitsetfo yaso kanye neligunya.*+
8 Emahhashi aso agijima kwendlula tingwe,Futsi anelulaka kwendlula timphisi ebusuku.+
Emahhashi aso emphi lanemandla agijima aya embili;Lamahhashi aso asuka khashane.
Andiza ngelitubane lelikhulu kuhle kwelusweti lwehlela kuyobamba inyamatane.+
9 Sonkhe lesive sita sesikulungele kubhubhisa.+
Buso baso bubheke embili njengemoya wasemphumalanga,+Futsi sibutsa labatfunjiwe kuhle kwesihlabatsi.
10 Lesive siphukuta emakhosiSiphindze sihlekise ngetikhulu letiphakeme.+
Sihlekisa ngato tonkhe tindzawo letivikelekile;+Senta tindvundvuma, singene bese siyatfumba.
11 Sitawuchubekela embili njengemoya lohhushako futsi sitawendlula kulelive,Kodvwa sitawuba nelicala,+Ngobe emandla aso siwatfola kunkulunkulu waso.”*+
12 Awu Jehova, wena bewusolo ungekho yini kusukela endvulo?+
Awu Nkulunkulu wami, wena Longcwele wami, wena awufi.*+
Awu Jehova, ubeke lesive kutsi sikhiphe sehlulelo;Dvwala Lami,+ umise sona kutsi sijezise.*+
13 Emehlo akho ahlanteke kakhulu kutsi angabuka lokubi,Futsi angeke ukhone kubeketelela bubi.+
Kungani-ke ubabeketelela bantfu labakhohlakele+Futsi kungani ubindza nangabe umuntfu lowenta bubi agwinya lolunge kwengca yena?+
14 Kungani wenta umuntfu afane nenhlanti yaselwandle,Afane netilwane letihumako letite umbusi?
15 Tonkhe leti, lesitsa* sitidvonsa ngelihhuka lekudweba.
Sitibamba ngelinethi laso,Futsi sitibutsisa ndzawonye enethini laso lekudweba.
Kungako sijabula kakhulu.+
16 Kungako sentela linethi laso imihlatjeloFutsi sentele nelinethi laso lekudweba imihlatjelo;*Ngobe incenye yaso icebiswe* ngulamanethi,Futsi kudla kwaso kwelikhetselo.
17 Sitawuchubeka yini sitfulula linethi laso?*
Sitawuchubeka yini sibulala tive ngelunya?+
Imibhalo lengentansi
^ Kungenteka kusho “Kwemukela Ngemndlandla.”
^ Nobe “sitfunti.”
^ Kungaphindze kubekwe ngekutsi, “emandla aso ngunkulunkulu waso.”
^ Kungaphindze kubekwe ngekutsi, “angeke sife.”
^ Nobe “sekhute.”
^ Lokusho, sitsa lesingumKhaledi.
^ Nobe “imihlatjelo yekushiswa.”
^ NgesiHebheru kutsi, “igcotjiswe kahle.”
^ Kungaphindze kubekwe ngekutsi, “sitawuchubeka yini sihoshula inkemba yaso?”
