Amose 2:1-16
2 “Naku lokushiwo nguJehova,‘“Ngekuvukela* kwaMowabi+ kwesitsatfu kanye nekwesine, angeke ngikushintje loko lengikuncumile,Ngobe washisa ematsambo enkhosi yaka-Edomu kuze atfole umcakaco.
2 Ngako ngitawutfumela umlilo kuMowabiFutsi utawucotfula imibhoshongo yaseKheriyothi levikelekile;+Mowabi utawufa ngesikhatsi kunekubhodla lokukhulu,Lokuhambisana nemsindvo wemphi kanye nemsindvo weluphondvo.+
3 Ngitamsusa umbusi* emehlweni akheNgibulale yena kanye nato tonkhe tindvuna takhe,”+ kusho Jehova.’
4 Jehova utsi:
‘Ngekuvukela kwaJuda+ kwesitsatfu kanye nekwesine, angeke ngikushintje loko lengikuncumile,Ngobe bawulahlile umtsetfo* waJehova,Futsi abazange batigcine timiso takhe;+Ngobe emanga lalandzelwa bokhokho babo ngiwo labaphambukisile.+
5 Ngako ngitawutfumela umlilo kaJudaFutsi utawucotfula imibhoshongo yaseJerusalema levikelekile.’+
6 Jehova utsi:
‘Ngekuvukela kwa-Israyeli+ kwesitsatfu kanye nekwesine, angeke ngikushintje loko lengikuncumile,Ngobe batsengisa bantfu labalungile ngelisiliva,Kwatsi labaphuyile babatsengisa ngetincabule.+
7 Bagcobagcobe tinhloko tebantfu labaphuyile, batigcobagcobela elutfulini lwemhlabatsi,+Futsi bavimba indlela yebantfu labamnene.+
Indvodzana nababe wayo balele nentfombi yinye,Bahlambalata libito lami lelingcwele.
8 Bayatelula eceleni kwawo onkhe ema-al’thare+ ngetingubo labatitsetse taba sibambiso setikweleti;+Liwayini labalinatsa endlini* yabonkulunkulu babo balitfole kulabo lababahlawulisile.’
9 ‘Kodvwa ngimi lowacotfula ema-Amori embikwabo,+Lebekamadze ngangemsedari futsi acine njengem-okhi;Ngacotfula sitselo sawo lesingetulu netimphandze tawo letingephansi.+
10 Nganikhipha eveni laseGibhithe,+Futsi nganenta nadzabula lihlane iminyaka lengu-40,+Kuze nitsatse live lema-Amori libe lifa lenu.
11 Ngavusa lamanye emadvodzana enu aba baphrofethi+Nalamanye emajaha enu aba ngemaNaziri.+
Awu bantfu baka-Israyeli, bekungakafaneli yini loku ngikwente?’ kusho Jehova.
12 ‘Kodvwa nachubeka ninatsisa emaNaziri liwayini,+Futsi nanika baphrofethi umyalo lotsi: “Akukafaneli niphrofethe.”+
13 Ngako ngitanipitjita endzaweni yenu,Ngitanisitila kuhle kwenkalishi letfwele lokutinhlavu lokusandza kuvunwa nayisitila lokungephansi kwayo.
14 Lonematubane angeke abe nendzawo latawubalekela kuyo,+Lonemandla angeke akhone kulondvolota emandla akhe,Futsi kute lisotja lelitawuphunyula.
15 Indvodza lephetse butjoki angeke ikhone kuma icine,Nalonematubane angeke aphunyuke,Futsi umgibeli welihhashi angeke aphunyuke.
16 Ngisho nemasotja lanesibindzi kakhuluAtawubaleka angcunu ngalelolanga,’+ kusho Jehova.”
Imibhalo lengentansi
^ Nobe “Ngemacala.”
^ NgesiHebheru kutsi, “umehluleli.”
^ Nobe “sicondziso.”
^ Nobe “ethempelini.”
