Ngutiphi tingoma temsakato we-JW lotitsandzako? Utitsandzelani? Ucabanga kutsi lama-video akhombisa loko lokwenteka esikhatsini salamuhla yini? Kwehlukahlukana kwetihloko kanye netinhlobonhlobo temculo, kwenta kutsi wonkhe umuntfu azuze. Nobe kunjalo, letingoma temsakato we-JW kanye nemculo wato tenta lokungetulu nje kwekumane tisijabulise.

Ingoma ngayinye, inetifundvo letibalulekile lesingatisebentisa ekuphileni kwetfu kwebuKhristu kanye nasemsebentini wekushumayela. Letinye tikhuluma ngekungenisa tihambi, bunye, bungani, kukhutsata, lutsandvo nobe kukholwa. Kantsi letinye tikhuluma ngekubuyela kuJehova, kutsetselelana, kwetsembeka, kanye nekutibekela imigomo lemayelana nekukhonta Jehova. Kuphindze kube nalenye ingoma lekhuluma ngekulinganisela nasisebentisa tincingo. Ngutiphi letinye tifundvo lotitfolile kuletingoma temsakato we-JW?

BUKELA I-VIDEO YENGOMA YEMSAKATO WE-JW LENESIHLOKO LESITSI SEKUDVUTANE, BESE UPHENDVULA LEMIBUTO LELANDZELAKO:

• Ngutiphi tibusiso tesikhatsi lesitako laba labashadene lasebakhulile labacabanga ngato?—Gen. 12:3

• Sikucinisa njani kukholwa kwetfu kuJehova mayelana nekutsi utatifeza tetsembiso takhe?

• Ngukuphi kuhlangana lokujabulisako lesekudvutane?

• Litsemba leMbuso lisisita njani kutsi sibeketelele tinkinga lesinato?—Rom. 8:25