KUPHILA KWEMAKHRISTU
Kutfutfukisa Emakhono Etfu Emsebentini Wekushumayela
KUBALULEKE NGANI?: Kuze Jehova abemukele, bantfu lesifundza nabo liBhayibheli kufanele batinikele kuye futsi babhajatiswe. (1 Phet. 3:21) Nkulunkulu utawubese uyabavikela labo labaphila ngekuvumelana nekutinikela kwabo. (Hla. 91:1, 2) UmKhristu usuke atinikele kuJehova hhayi kumuntfu, emsebentini nobe enhlanganweni letsite. Ngako, bantfu lesifundza nabo liBhayibheli kufanele bamtsandze Nkulunkulu futsi bakhombise nekubonga.
INDLELA YEKUKWENTA:
-
Nanisafundza cocani ngekutsi loko lenifundza ngako kwembulani ngaJehova. Gcizelela kutsi kubalulekile kufundza liBhayibheli onkhe malanga kanye ‘nekuhlala’ uthantaza kuJehova.
—1 Thes. 5:17; Jak. 4:8. -
Khutsata umuntfu lofundza naye kutsi atibekele imigomo yekutinikela kuJehova futsi abhajatiswe. Phindze umsite atibekele imigomo lemincane lenjengekuphendvula emihlanganweni nobe kufakaza kubomakhelwane nakulasebenta nabo. Khumbula kutsi Jehova akaphoceleli muntfu kutsi amkhonte. Kutinikela sincumo lokufanele utentele sona.
—Dut. 30:19, 20 -
Khutsata lofundza naye liBhayibheli kutsi ente tingucuko letidzingekako kuze ajabulise Jehova futsi akufanelekele kubhajatiswa. (Taga 27:11) Ngesizatfu sekutsi lobunye buntfu betfu nemikhuba letsite kungahle kungene kujule, umuntfu lesifundza naye liBhayibheli udzinga lusito loluchubekako kuze alahle buntfu lobudzala futsi agcoke buntfu lobusha. (Ef. 4:22-24) Mcocele ngeluchungechunge lwetihloko te-Sicongosekulindza lesitsi “LiBhayibheli Liyakugucula Kuphila”
-
Mcocele ngenjabulo loyitfolako njengobe ukhonta Jehova.
—Isa. 48:17, 18
