Uyayitfola Yini Injabulo ‘Ngekubapha Ngemusa Labanye’?

EMAKHRISTU ekucala aseFiliphi, bekatiwa ngekukusekela kwawo ngemusa kukhonta kweliciniso. Encwadzini yakhe lephefumulelwe lebeyiya kuwo, umphostoli Pawula wabhala: “Ngiyambonga Nkulunkulu wami ekunikhumbuleni kwami konkhe. Ngetikhatsi tonkhe, ekuncuseni kwami, nginithandazela nonkhe ngekutfokota. Ngibonga kuhlanganyela kwenu nami eVangelini kusukela ngelilanga lekucala kuze kube ngulamuhla.” (Fil. 1:3-5) Pawula bekasikhumbula kahle sikhatsi Lidiya kanye nemndeni wakhe lababhajatiswa ngaso futsi ngemuva kwaloko, wacela yena kanye nebantfu labekahamba nabo kutsi bahlale emtini wakhe.—Imis. 16:14, 15.

Ngekushesha nje ngemuva kwaloko, libandla laseFiliphi lebelisandza kusungulwa latfumela kabili lusito kuPawula njengobe besekacitse emaviki lamanyenti anebazalwane baseThesalonika, lekhashane ngemakhilomitha lacishe abe ngu-160. (Fil. 4: 15, 16) Eminyakeni lembalwa kamuva, ngesikhatsi bazalwane baseFiliphi kanye nalabanye baseMasedoniya bahlangabetana nekuhlupheka kanye ‘nebuphuya lobukhulu,’ beva ngesidzingo semaKhristu laseJerusalema labekashushiswa, futsi bafuna kuwasita. Pawula watsi loko ‘bekungetulu kwemandla abo.’ Nanobe kunjalo, wabhala: ‘Basincengisisa kutsi babe nesabelo ekusiteni labangcwele [ngekubapha ngemusa].’—2 Khor. 8:1-4; Rom. 15:26.

Ngisho nangemuva kweminyaka lelishumi bantfu baseFiliphi babe ngemaKhristu, bebasolo banemoya wekuphana. Ngesikhatsi sebevile kutsi Pawula uboshiwe eRoma, batfumela Ephafrodithu kutsi ahambe emakhilomitha langu-1 287 ngetinyawo kanye naselwandle, kute amikise lusito kulomphostoli. Kuyacaca kutsi bazalwane baseFiliphi bebafuna kusekela Pawula kute achubeke acinisa bazalwane futsi ashumayela, ngisho nangesikhatsi aboshiwe.—Fil. 1:12-14; 2:25-30; 4:18.

Lamuhla, emaKhristu eliciniso akutsatsa njengelitfuba lelihle kusekela umsebenti wekushumayela ngeMbuso kanye newekwenta bafundzi. (Mat. 28:19, 20) Atfutfukisa tintfo letimayelana neMbuso ngekutsi anikele ngesikhatsi sawo, emandla kanye nangemali. Libhokisi lelikulesihloko liveta tindlela longahlanganyela ngato ekusekeleni lomsebenti lesiwuniketwe nguNkulunkulu.

[Libhokisi ekhasini 22, 23]

TINDLELA LABANYE LABAKHETSA KUPHA NGATO

IMINIKELO YEMSEBENTI WEMHLABA WONKHE

Bantfu labanyenti babekela eceleni imali letsite labatayifaka emabhokisini emnikelo labhalwe kutsi “Umsebenti Wemhlaba Wonkhe.”

Inyanga ngayinye, emabandla atfumela lemali ehhovisi laboFakazi BaJehova lelinakekela live lawo. Iminikelo yekutitsandzela nayo ingatfunyelwa ngalokucondzile ku-Watch Tower Bible and Tract Society of South Africa, Attention: Accounting Office, Private Bag X2067, Krugersdorp, 1740, South Africa, nobe ingatfunyelwa ehhovisi leligatja laboFakazi BaJehova lelinakekela live lakini. (Iminikelo yekutitsandzela lechazwe ngentansi nayo ingatfunyelwa ehhovisi leligatja laboFakazi baJehova lelinakekela live lakini.) Emasheke latfunyelwa kulelikheli lelingenhla kufanele abhalwe kutsi “Watch Tower Society.” Tintfo tekutihlobisa letinjengebucwebe nobe lamanye emagugu kunganikelwa ngato. Leminikelo kufanele ihambisane nencwadzi lechaza kutsi letintfo tisipho lesicondzile.

KUPHA LOKUHLELIWE

Ngetulu kwekunikela ngemali, kunaletinye tindlela tekupha letingazuzisa umsebenti weMbuso lowentiwa emhlabeni wonkhe. Letindlela tihlanganisa:

Umshuwalensi: I-Watch Tower Bible and Tract Society of South Africa ingabhaliswa njengendlalifa yemshuwalensi wekuphila nobe wemhlalaphansi.

Ema-account Asebhage: Ema-account asebhange, timphepha letifakazela kufakwa kwemali nobe ema-account emuntfu emhlalaphansi, angase aniketwe i-Watch Tower Bible and Tract Society of South Africa, nakwenteka lowo muntfu ashona, ngekuvumelana netimfuneko telibhange talelo live.

Emasheya Nema-bond: Kunganikelwa ngemasheya nema-bond abe sipho (outright gift) se-Watch Tower Bible and Tract Society of South Africa, nobe ingabhaliswa njengendlalifa nakwenteka umnikati wemshuwalensi afa. (i-Transfer on Death beneficiary)

Imphahla Lengatfwaleki: Kunganikelwa ngemphahla lengatfwaleki ngekutsi kwentiwe sipho lesicondzile (outright gift), nobe nangabe leyo mphahla kuyindzawo yekuhlala, igcinelwe umnikati wayo kutsi ahlale kuyo nangabe asaphila. Chumana nelihhovisi leligatja lelive lenu ngembikwekutsi ulibhalise njengendlalifa yemphahla lengatfwaleki.

Tincwadzi Temafa Kanye Nema-Trust: Imphahla nobe imali inganikelwa ku-Watch Tower Bible and Tract Society of South Africa ngekusebentisa incwadzi yelifa lesemtsetfweni, nobe i-Watch Tower Bible and Tract Society of South Africa ingaba yindlalifa lenganakekela lelo lifa. Nangabe indlalifa kuyinhlangano yenkholo, ingase itfole kubonelelwa ekubhadaleni umtselo.

Kute utfole kwatiswa lokubanti, ungachumana ne-Accounting Office, ngelucingo nobe ngekuyibhalela, usebentisa likheli lelingentansi, nobe ungachumana nelihhovisi leligatja lelinakekela live lakini.

Accounting Office

Watch Tower Bible and Tract Society of South Africa

Private Bag X2067

Krugersdorp 1740 South Africa

Lucingo: 011 761 1323