Yu kan kisi têgo blesi fu wan Gado di lobi yu
Yu e angri fu libi na ini wan grontapu pe feti, ogridu, nanga strei no de moro?
Yu winsi taki siki, pina, nanga dede no de moro?
Yu e angri fu libi sondro broko-ede èn sondro fu frede?
Yu e angri fu libi na wan presi pe nowan rampu e pasa?
Wi lobi-ati Gado, a Mekiman fu a moi grontapu fu wi, pramisi libisma taki freide o de fu ala ten èn taki den o de koloku tu. A sani disi a no wan dren.
Te yu leisi den artikel di e kon now, dan yu o kon sabi:
Fa wi Mekiman e si libisma
San Gado Wortu e leri wi
San den profeiti fu Gado taki fu den sani di a pramisi wi
San wi kan du fu de koloku now èn fu kisi têgo blesi fu Gado na ini a ten di e kon
Ma meki wi go luku fosi fa a Mekiman e sori taki a lobi libisma.
