Wan sma di e gi yesi na Gado musu du dati nanga en heri ati (Odo 3:1). Dati meki te wi e gi leri wi musu meki muiti fu doro na ati fu sma. Fa wi kan du dati?

No leri a studenti sani fu Bijbel nomo, ma leri en san den sani disi abi fu du nanga en èn nanga en matifasi nanga Yehovah. Yepi en fu si fa den gronprakseri fu Bijbel e sori taki Yehovah lobi wi, taki a abi bun fasi èn taki a e du sani na wan reti fasi. Poti aksi di o yepi en fu kon sabi fa a e denki fu den sani di a e leri, ma du dati na wan switi fasi. Yepi en fu go denki fa a kan kisi wini efu a e du san a leri. Yu o kon de nanga moro prisiri te yu si taki a studie fu yu e du sani di e sori taki a lobi Yehovah.

LUKU A FELEM YU O PRISIRI TE YU E MEKI DISIPEL​—FA YU KAN DU EN MORO BUN—​DORO NA ATI FU SMA. BAKA DATI PIKI DEN AKSI DISI:

• Fu san ede Neeta ben aksi Jade efu a ben prakseri fu a sani di den ben taki fu en a munde?

• Fa Neeta yepi Jade fu si taki den gronprakseri fu Bijbel e sori taki Yehovah lobi en?

• Fa Neeta yepi Jade fu go denki fa a kan sori taki a lobi Gado?