Den Dyu di ben de na ini katibo ben kisi deki-ati fu a fisyun di Esekièl kisi fu a tempel. A fisyun disi ben e gi den a howpu taki a tru anbegi ben o seti baka. Na ini den lasti dei disi, a tru anbegi noso a bergi fu Yehovah ’hei pasa den ede fu den bergi, èn a hei moro den pikin bergi’. Na drape ala den pipel e go èn wisrefi go tu (Yes 2:2). Yu abi a gwenti fu denki dipi fu a grani di yu abi fu sabi Yehovah èn fu dini en?

• Wi e kisi bun furu leri fu Bijbel di e gi piki tapu prenspari aksi fu a libi. Wi e kisi bun rai èn wi abi wan trutru howpu.​—Yes 48:17, 18; 65:13; Ro 15:4

• Wi abi lobi brada nanga sisa na heri grontapu.​—Ps 133:1; Yoh 13:35

• Wi abi a grani fu wroko makandra nanga Gado èn dati e meki wi de koloku.​—Tor 20:35; 1Kor 3:9

• Wi abi „a freide fu Gado” di e tranga wi te wi e kisi problema.​—Fp 4:6, 7

• Wi abi wan krin konsensi.​—2Ti 1:3

• Wi de ’bun mati fu Yehovah’.​—Ps 25:14

Na sortu fasi mi kan sori taki mi de nanga tangi gi a tru anbegi?