LES 76
Yesus e krin a tempel
Na ini a yari 30, Yesus go na Yerusalem. Furu sma kon na a foto fu hori a Paskafesa. Wan fu den sani di den ben e du na a fesa disi, na taki den ben e tyari meti ofrandi na a tempel. Son sma ben e tyari meti nanga den, ma tra sma ben e bai den meti na ini Yerusalem.
Di Yesus go na a tempel, a si sma e seri meti drape. Den ben e meki moni leti na ini a tempel fu Yehovah! San Yesus du? A meki wan wipi fu titei, dan a yagi den skapu nanga den tra meti komoto na ini a tempel. A drai den tafra fu den man di ben e wissel moni èn a trowe den moni na tapu a gron. Yesus taigi den sma di ben e seri doifi: ’Puru den sani disi na ini a tempel! Un no musu seri sani na ini na oso fu mi Papa!’
Sma na a tempel ben e fruwondru fu san Yesus du. Den disipel fu en memre san wan profeititori ben taki fu a Mesias: ’A lobi di mi abi gi yu oso, o de leki wan faya na ini mi.’
Bakaten na ini a yari 33, Yesus krin a tempel fu a di fu tu leisi. A no ben lobi te sma no e sori lespeki gi na oso fu en Papa.
„Unu no kan dini Gado èn dini Gudu na a srefi ten.”—Lukas 16:13
Kande yu lobi den tori disi tu
YESUS—EN NA A PASI, EN NA SAN TRU, EN NA A LIBI
Yesus e sori taki a de fayafaya gi a tru anbegi
Efu Gado Wet ben taki dati den sma ben kan bai meti na ini Yerusalem fu tyari leki ofrandi, dan fu san ede Yesus ati bron nanga den bisnisman na ini a tempel?
TRON WAN MATI FU YEHOVAH
Abi lespeki gi na oso fu Yehovah
Fa yu kan sori taki yu abi lespeki gi na oso fu Yehovah?
