Taki wan sani fu hari sma prakseri. Poti wan aksi gi den arkiman, fruteri wan ondrofenitori di pasa trutru, fruteri wan tori di ben de na ini a nyunsu, noso taki wan tra sani di kan hari den prakseri.

Meki sma frustan fu sortu tori yu o taki. Sorgu taki den sani di yu e taki na a bigin e yepi den arkiman fu kon sabi fu san yu o taki èn fu san ede yu o taki fu a tori dati.

Sori sma krin fu san ede a tori prenspari. Taki fu sani di den arkiman fu yu abi fanowdu. Den musu si krin taki a tori di yu o taki fu en kan yepi den na ini den eigi libi.