YEPIMAN Den yepiman abi a frantwortu fu yepi yu. Grantangi, wroko makandra nanga den te den e sori yu pe yu musu poti yu oto, yu bromfiets noso yu baisigri, te den e sori yu pe yu musu waka, te den e aksi yu fu no hori sidonpresi gi tra sma, noso te den e aksi yu tra sani.

DOPU Na a fosi rèi na fesi a podium, sidonpresi sreka gi den sma di o teki dopu. Fosi a dopu-lezing bigin satra mamanten, den sma di o teki dopu musu kon sidon na den presi di sreka gi den. Ibriwan fu den musu tyari wan wasiduku èn dopukrosi di fiti.

BIJDRAGE Furu kostu meki fu sorgu gi nofo sidonpresi, geluid, sani fu sori felem, nanga wan lo tra sani, so taki a kongres kan de wan prisiri sani èn a kan yepi wi fu kon krosibei na Yehovah. Den bijdrage di yu e gi e yepi fu pai den kostu disi èn den e yepi tu fu horibaka gi a wroko di e du na heri grontapu. Fu meki en makriki gi yu, dan na difrenti presi na a kongres disi, yu o si boksu pe yu kan poti bijdrage. Fu gi bijdrage tapu Internet yu kan go na donate.jw.org. Wi e warderi ala den bijdrage disi trutru. A Tiri Skin wani taki yu tangi taki yu e horibaka gi a Kownukondre wroko di e du na heri grontapu.

EHBO Hori na prakseri taki na afdeling disi de SOSO GI TE WAN NOWTU DE.

SANI DI YU LASI ÈN SANI DI TRA SMA FENI Efu wan sma feni wan sani, dan a musu tyari en go na a afdeling disi. Efu yu lasi wan sani, dan yu kan go na a afdeling disi fu si efu a sani di yu lasi de drape. Te wan pikin lasi fu di a waka gowe fu en papa nanga mama, dan sma musu tyari en go na a afdeling disi. Ma grantangi, luku den pikin fu yu èn hori den na yu, so taki a sani disi no pasa.

SIDONPRESI Grantangi, hori trawan na prakseri. Memre taki yu kan hori sidonpresi soso gi yu famiri, gi sma di e kon makandra nanga yu, gi sma di e libi nanga yu na ini a srefi oso, noso gi den wan di e studeri nanga yu. Grantangi, no poti sani na tapu den tra sidon-presi di yu no e hori gi den sma disi.

FRIWANI WROKO Efu yu wani yepi nanga den difrenti wroko di musu du na a kongres, dan grantangi go na a afdeling disi fu gi yu nen.

Skoro gi Kownukondre preikiman Pionier di abi 23 yari te go miti 65 yari, di wani du moro na ini a diniwroko èn di wani go na a Skoro gi Kownukondre preikiman, e kisi a kari fu go na a konmakandra di o hori sonde bakadina. Den brada o meki bekènti o lati èn pe a o hori.