Yesaya 58:1-14
58 „Bari bun tranga. Bari nanga ala yu krakti.
Bari leki wan tutu
èn taigi mi pipel sortu ogri den du.Taigi den sma fu Yakob sortu sondu den du.
2 Den suku mi ibri deièn den taki dati den lobi den pasi fu mi.Den du neleki den na wan pipel di e du san retièn di no gwe libi a reti pasi fu den Gado.
Den aksi mi fu krutu den na wan reti fasineleki den wani tron mati fu Gado.
3 Den taki: ’Fu san ede yu no e luku wi te wi e faste?*
Fu san ede yu no e poti prakseri te wi e pina wisrefi?’
Na fu di unu e du san unu wani* na den dei di unu e fasteèn unu e dwengi trawan fu wroko tranga.
4 Unu e faste,* ma tòg unu e hartaki, unu e meki trobièn unu e naki trawan nanga kofu.
Efu unu e faste leki fa unu e du dati now, mi no o arki unu na hemel.
5 Na so mi ben taigi unu fu faste?*A faste-dei a no wan dei di unu musu pina unsrefi.Unu no abi fu boigi un ede leki warimbo* fu sori taki unu e sari.Mi no ben aksi unu fu bradi rowkrosi* na gron èn fu trowe asisi na tapu a gron leki wan bedi fu d’don na tapu.
Unu e taki dati unu e faste, ma unu denki taki Yehovah feni en bun taki unu e du en na a fasi disi?
6 Mi o feni a faste-dei fu unu bun,
soso te unu e lusu den bui fu den wan di unu e kwinsièn den banti fu den tyatyari fu den.Un musu meki den kon fri.Un musu broko ala den tyatyari fu den.
7 Efu angri e kiri wan sma, dan un musu prati un n’nyan nanga en.Efu wan sma pôti èn a no abi presi fu tan, dan un musu teki en na ini oso.Efu wan sma no abi krosi, un musu gi en krosi.Un musu yepi den kondreman fu unu.
8 Efu unu du den sani disi, dan a leti fu unu o skèin leki na m’mantenèn es’esi sani o kon bun baka gi unu.
Retidu o waka na un fesièn a glori fu Yehovah o de na un baka fu kibri unu.
9 Dan Yehovah o piki unu te unu e kari en.Efu unu bari suku yepi na en, a o taki: ’Mi o yepi unu!’
Puru den tyatyari na sma tapu,no sori sma finga moro èn no taki ogri sani moro.
10 Efu sma de nanga angri, un musu gi den a n’nyan di unu srefi ben o wani nyan.Boiti dati, un musu yepi den sma di e pina.Efu unu du disi, a leti fu unu o skèin, awinsi a dungru.Dungru o de leki mindridei gi unu.
11 Yehovah o tiri unu ala tenèn srefi na ini wan drei kontren a o gi unu ala san unu abi fanowdu.A o meki un bonyo kon trangaèn unu o kon de leki wan dyari di e kisi furu watra.Unu o tron leki wan watrapeti di no e kon drei.
12 Na fu unu ede den brokopresi pe sma no ben e tan wan langa pisi ten, o bow baka.Iya, unu o bow den fundament baka fu den oso di broko sensi ten.
Sma o taki dati unu na den wan di meki den broko skotu fu a foto*èn unu na den wan di meki den pasi baka pe sma kan bow oso fu tan.
13 A Sabat-dei na wan santa dei. Un no musu du san unu srefi wani* na a dei dati.A musu de wan prisiri sani gi unu fu hori Sabat. Un musu si en leki wan santa dei fu Yehovah èn wan dei di prenspari srefsrefi.Iya, a dei dati musu de wan prenspari dei gi unu. Un no musu du san un srefi wani èn un no musu taki soso sani na a dei dati.
14 Efu unu du disi, dan unu o prisiri nanga Yehovahèn mi o meki unu rèi na den hei presi fu grontapu.
Mi o meki unu nyan bun fu a kondre di mi ben gi un afo Yakob.Na mi, Yehovah, taki disi nanga mi eigi mofo.”
Futuwortu
^ Noso: „san unu lobi”.
^ Wan sortu hei grasi. Furu tron a e gro na presi pe watra de.
^ Noso: „unu na den wan di tapu den olo na ini den skotu”.
^ Noso: „san unu lobi”.
