Yesaya 55:1-13
55 Un alamala drape, kon! Efu watra e kiri unu, kon teki watra.
Awinsi wan sma no abi moni, meki a kon teki n’nyan.
Iya, kon teki win nanga merki fu soso, sondro fu pai.
2 Fu san ede unu e tan bai sani di no e tapu angri?Fu san ede unu e gebroiki un moni* gi sani di no e furu bere?
Arki bun san mi e taki. Un musu nyan bun n’nyan.Iya, unu o prisiri fu nyan a moro bun n’nyan.*
3 Un kon na mi èn un poti yesi arki.
Arki, dan unu o tan na libi.Fu tru, mi o meki wan ferbontu nanga unu èn a o de fu têgo.Mi o sori unu a srefi lobi* di mi pramisi David. Ala ten mi e du san mi pramisi.
4 Luku, mi meki a tron wan kotoigi gi den pipelèn wan fesiman nanga wan edeman.
5 „Luku!* Yu* o kari wan pipel di yu no sabi.Sma fu wan pipel di no sabi yu, o lon kon na yu.Na fu yu Gado Yehovah ede, a Santawan fu Israel, den o du dati.Bika a o gi yu glori.
6 Suku Yehovah te a de fu feni ete.
Kari en te a de krosbei ete.
7 Meki den ogrisma libi den pasi fu denèn meki den sma di e du ogri, puru den takru prakseri fu den na den ede.Meki den drai go baka na Yehovah di o sori den sar’ati.Meki den drai go baka na wi Gado, bika a o gi den pardon nanga en heri ati.”
8 „Den prakseri fu unu a no mi prakserièn den pasi fu mi a no den pasi fu unu”, na so Yehovah taki.
9 „Neleki fa hemel hei moro grontapu,na so den pasi fu mi hei moro den pasi fu unuèn den prakseri fu mi hei moro den prakseri fu unu.
10 Alen nanga snew e saka kon fu hemelèn den no e drai go baka drape, solanga den no nati grontapu. Na so sani e bigin gro èn den e gi n’nyan.Sma e feni sani fu nyan èn siri fu sai.
11 Na so a de tu nanga den wortu di e kmoto na mi mofo.
Den no o drai kon baka na mi, solanga sani no psa soleki fa mi taki.Sani musu fu psa soleki fa mi wani*èn den wortu fu mi musu fu abi bun bakapisi.
12 Nanga prisiri un o hari gweèn na ini freide unu o drai kon baka.
Den bergi nanga den pkin bergi o breiti èn den o bari fu prisiri te unu e kon.Den bon fu a busi o naki anu fu prisiri.
13 Na presi fu makabusi, yaneifer-bon o gro.Na presi fu krasi-w’wiri, mirte-bon o gro.
A sani disi o meki Yehovah kisi biginen.A o de leki wan marki di e tan fu ala ten èn di nowan sma man puru.”
Futuwortu
^ Noso: „moni di unu wroko so tranga fu feni”.
^ Hebrewtongo: „fatu”.
^ A sori leki na Yesaya e taki na ini vers 5-7.
^ „Yu” na Yakob noso Israel.
^ Noso: „soleki fa mi feni bun”.
