Yesaya 19:1-25
19 Disi na wan krutuboskopu gi Egepte:
Luku! Yehovah de na tapu wan wolku di e waka es’esi. A e kon na Egepte.
Dati meki den gado fu Egepte di no warti noti o beifi gi enèn den sma fu Egepte o las’ati.
2 „Mi o meki den Egeptesma feti nanga makandra.Ibriwan fu den o feti nanga en bradaèn ibriwan fu den o feti nanga en mati.Na so foto o feti nanga foto èn kownukondre nanga kownukondre.
3 Den sma na ini Egepte o bruya.Mi o meki den sani di den abi na prakseri fu du, tron noti.
Den o go suku rai na gado di no warti noti,den wisiman, den bonuman nanga den lukuman.
4 Mi o meki wan ogr’ati man basi Egepteèn mi o meki wan ogri kownu tiri den”, na so a tru Masra Yehovah di e tiri den legre taki.
5 A watra fu a se o drei gweèn a liba o drei tu. Iya, a o lon drei.
6 Den liba o tingi.A watra fu den kriki fu Nijl-liba na ini Egepte o lagi èn den o kon drei.
Den warimbo* nanga a grasi o pori gwe.
7 Den sani di e gro na a mofo fu Nijl-liba o kon drei.Ibri gron na sei Nijl-liba pe sma e prani sani o kon drei.
Winti o wai den gwe èn noti fu den o tan abra.
8 Den fisiman o kreièn den sma di e uku na Nijl-liba o sari.Den wan di e fanga fisi nanga nèt o pina.
9 Den sma di e meki krosi fu vlas-t’tei*èn den sma di e brei weti krosi o kisi syen.
10 Den sma na ini a kondre di e meki krosi o firi brokosaka.Ala den wrokoman o sari.
11 Den granman fu a foto Sowan don.
Den moro koni raiman fu a kownu fu Egepte e gi don rai.
Dan fa unu kan taigi a kownu:
„Mi na wan pkin fu konimanèn wan bakapkin fu den kownu fu owruten”?
12 Egepte, pe den koniman fu yu de?
Meki den taigi yu san den sabi fu den sani di Yehovah di e tiri den legre besroiti fu du nanga Egepte.
13 Den granman fu a foto Sowan du don.Den granman fu Nof* kori densrefi.Den edeman fu den lo fu Egepte meki den Egeptesma lasi pasi.
14 Yehovah meki den bruya.Na den e meki den Egeptesma du ala sani bruyabruyaèn na den e meki taki den Egeptesma de leki wan drunguman di grati fadon na ini en braak.
15 Egepte no o man du nowan sani.Iya, na ede nanga a tere, a pransun* nanga a warimbo* no o man du nowan sani.
16 Na a ten dati den Egeptesma o du leki umasma. Den o beifi èn frede fu di Yehovah di e tiri den legre opo en anu fu naki den.
17 Den Egeptesma o frede Yuda. Ala sma di e yere fu Yuda o frede, fu di den sabi san Yehovah di e tiri den legre o du nanga den.
18 Na a ten dati feifi foto na ini Egepte o taki a tongo fu Kanan. Den sma na ini den foto o sweri taki den wani anbegi soso Yehovah di e tiri den legre. Wan fu den foto o nen Foto di e broko sani.
19 Na a ten dati den o poti wan altari gi Yehovah mindrisei fu Egepte. Na a grens fu a kondre den o poti wan pilari gi Yehovah tu.
20 Den sani disi o de leki marki, so taki den sma na ini Egepte kan memre Yehovah di e tiri den legre. Den sma o bari kari Yehovah fu di trawan e pina den. Dan a o seni wan ferlusuman gi den. A o de wan bigiman di o ferlusu den.
21 Yehovah o meki den Egeptesma sabi en. Iya, den Egeptesma o sabi Yehovah na a ten dati. Den o tyari srakti-ofrandi nanga kado gi en. Den o meki wan pramisi na Yehovah èn den o du san den pramisi.
22 Yehovah o naki Egepte. A o naki den, dan a o meki den kon betre. Den o drai go baka na Yehovah, a o arki den begi fu den èn a o meki den kon betre.
23 Na a ten dati wan bigi pasi o waka fu Egepte go na Asiria. Den Asiriasma o go na Egepte èn den Egeptesma o go na Asiria. Egepte nanga Asiria o dini Gado makandra.
24 Na a ten dati Israel o de a di fu dri kondre di o wroko makandra nanga Egepte èn nanga Asiria. A o de wan blesi gi den sma na grontapu
25 fu di Yehovah di e tiri den legre blesi en. A taki: „Blesi fu mi pipel di de na Egepte. Blesi fu a kondre Asiria di mi meki. Blesi fu mi gudu Israel.”
Futuwortu
^ Wan sortu hei grasi. Furu tron a e gro na presi pe watra de.
^ Noso: „Memfis”.
^ Noso kande: „a palmtaki”.
^ Wan sortu hei grasi. Furu tron a e gro na presi pe watra de.
