Psalm 99:1-9
99 Yehovah tron Kownu. Meki den pipel beifi.
A e sdon na tapu* den kerub-engel. Meki grontapu seki.
2 Yehovah sori a bigi makti fu en na ini Sion.A hei moro ala den pipel.
3 Meki den prèise a bigi nen fu yu,bika a santa èn sma musu abi bigi lespeki gi en.
4 Gado, yu na wan makti kownu di lobi retidu.
Ala ten yu e du san reti.
Yu koti krutu na wan reti fasi gi Yakob* èn yu sori en san na retidu.
5 Prèise Yehovah wi Gado èn boigi* na fesi a futubangi fu en.En na wan santa Gado.
6 Moses nanga Aron ben de priester fu en.Samuel ben de wan fu den sma di ben e kari en nen.
Te den ben e bari kari Yehovah,a ben e piki den.
7 A ben e taki nanga den kmoto fu a wolku di gersi wan pilari.
Den ben e du san a ben taki èn den ben hori densrefi na den wet fu en.
8 Yehovah wi Gado, yu piki den.
Yu gi den pardon,ma yu strafu den* gi den ogri fu den.
9 Prèise Yehovah wi Gadoèn boigi gi en* na fesi en santa bergi,bika Yehovah wi Gado na wan santa Gado.
Futuwortu
^ Noso kande: „na mindri”.
^ Noso: „gi den bakapkin fu Yakob”.
^ Noso: „anbegi en”.
^ Hebrewtongo: „puru atibron na den tapu”.
^ Noso: „anbegi en”.
