Psalm 86:1-17
Wan begi fu David.
86 Yehovah, mi e begi yu, arki mi.*Piki mi bika mi e pina èn mi pôti.
2 Kibri mi libi, fu di mi tai hori na yu.
Ferlusu yu futuboi di e fertrow na yu tapu,bika yu na mi Gado.
3 Du bun gi mi, Yehovah,bika na yu mi e kari heri dei.
4 Meki na ati fu yu futuboi prisiri,bika tapu yu mi e fertrow,* Yehovah.
5 Yehovah, yu na wan bun Gado èn yu de klarklari fu gi sma pardon.Yu abi bigi lobi* gi ala den sma di e bari kari yu.
6 Yehovah, grantangi, arki a begi fu mi.Arki mi te mi e begi yu fu yepi mi.
7 Na yu mi e kari te mi de na nowtu,bika mi sabi taki yu o piki mi.
8 Yehovah, nowan tra gado de leki yu.Nowan sma man du den sani di yu e du.
9 Yehovah, ala den pipel di yu mekio kon na yu èn den o boigi gi yu.Den o gi yu nen glori.
10 Bika yu na wan bigi Gado èn yu e du bigi wondru.Yu na Gado, iya, yu w’wan.
11 Yehovah, leri mi fa fu waka a pasi fu yu.
Mi o waka a reti pasi fu yu.
Yepi mi fu sori lespeki gi yu nen nanga mi heri ati.*
12 Yehovah mi Gado, nanga mi heri ati mi e prèise yuèn mi o tan gi yu nen glori fu ala ten,
13 bika yu sori mi taki yu abi furu lobi* gi mi.Na yu puru mi na ini Grebi,* iya, na ini a moro dipi olo di de.
14 Gado, den heimemre sma wani du mi ogri.Wan grupu ogr’ati sma e suku fu kiri mi.Den no abi nowan lespeki gi yu.*
15 Ma yu, Yehovah, na wan Gado di abi sar’ati èn yu e firi gi sma.*Yu ati no e bron esi, yu abi bigi lobi* gi sma èn ala ten yu e du san yu pramisi.*
16 Poti prakseri na mi èn du bun gi mi.
Gi yu futuboi kraktièn ferlusu a manpkin fu yu umasrafu.
17 Du wan sani fu sori taki yu lobi mi,dan den sma di e teige mi kan si dati èn den o firi syen.
Bika na yu e yepi mi, Yehovah, èn na yu e trowstu mi.
Futuwortu
^ Noso: „beni fu arki”.
^ Noso: „bika mi gi misrefi abra na yu”.
^ Noso: „Gi mi wan ati di no prati”.
^ Noso: „Den no e si yu na den fesi”.
^ Noso: „yu abi switifasi”.
^ Noso: „ala ten yu e taki san tru”.
