Psalm 8:1-9
Gi a fesiman fu den pokuman. Wan Gitit.* Wan singi fu David.
8 Yehovah wi Masra, yu nen bigi trutru na grontapu.Yu poti a glori fu yu moro hei leki hemel srefi!*
2 Den sani di pkin-nengre* e taki e sori a krakti fu yu.Na so yu tapu a mofo fu den feanti fu yuèn fu den sma di e pai ogri fu ogri.
3 Te mi e luku yu hemel, den sani di yu meki,*a mun nanga den stari di yu meki,
4 dan mi e aksi misrefi: ’San na wan libisma taki yu e prakseri en?San na a pkin fu wan libisma taki yu e sorgu en?’
5 Yu meki a kon de pkinso moro lagi leki den engel,yu gi en glori nanga grani.
6 Yu poti en leki basi fu den sani di yu meki.*Yu poti ala sani na en ondro:
7 Ala den skapu, krabita nanga kaw,srefi den meti fu busi,
8 den fowru di e frei na loktu nanga den fisi di de na ini se,iya, ala sani di e swen na ini den se.
9 Yehovah wi Masra, yu nen bigi trutru na grontapu!
Futuwortu
^ Noso kande: „Te na hemel den e taki fu a glori fu yu!”
^ Hebrewtongo: „pkin-nengre nanga pkin di de na bobi”.
^ Hebrewtongo: „den wroko fu yu finga”.
^ Hebrewtongo: „den wroko fu yu anu”.
