Psalm 63:1-11
Wan singi di David skrifi di a ben de na Yuda-sabana.
63 Gado, yu na mi Gado. Mi e tan suku yepi na yu.
Mi e angri fu yu.
Di mi ben de na ini wan kondre di drei èn pe noti e gro, wan kondre pe watra no de,dan na soso angri mi ben e angri fu abi yu na mi sei.
2 Mi si yu na ini a santa presi.Mi si a krakti nanga a glori fu yu.
3 A bun-ati* fu yu betre moro a libi srefi.Mi eigi mofo o prèise yu.
4 Mi o blesi yu mi heri libi langa.Te mi o opo mi anu go na loktu fu begi, mi o kari yu nen.
5 Mi e firi bun fu di yu gi mi den moro bun sani.*Nanga prisiri mi e opo mi mofo fu singi prèisesingi gi yu.
6 Te mi e d’don na tapu mi bedi, mi e prakseri yu.Mindrineti mi e denki dipi fu yu.
7 Yu na mi yepiman.Te mi de na ondro den frei fu yu mi e bari fu prisiri.
8 Mi e tan krosbei fu yu.Yu e hori mi steifi nanga yu ret’anu.
9 Ma den sma di e suku fu kiri mi,o saka go te na den moro dipi olo fu grontapu.
10 Sma o kiri den nanga fet’owru.Den o tron n’nyan gi den sabanadagu.
11 Ma a kownu o breiti nanga den sani di Gado o du gi en.
Ibri sma di e sweri na Gado o prèise en,bika a o tapu a mofo fu den sma di e taki lei.
Futuwortu
^ Noso: „Mi e firi bun fu di yu gi mi den moro bun sani fu nyan”.
