Psalm 12:1-8
-
Yehovah e opo du wan sani
-
Den sani di Gado e taki de soifri (6)
-
Gi a fesiman fu den pokuman: A musu prei lagi.* Wan singi fu David.
12 Tye Yehovah ferlusu mi, bika den sma di e tai hori na yu no de moro.Sma di e du san yu taki no de fu feni moro na mindri libisma.
2 Na soso lei den sma e ferteri makandra.Den tongo grati. Te den e taki sani, dan na hoigri den e hoigri.*
3 Yehovah o koti a mofo puru fu den sma di tongo grati.A o koti a mofo puru fu den sma di e meki bigi.
4 Den e taki: „Wi sabi taki bun. Dati meki sma no o man du wi noti.
Wi e taki san wi wani.Suma o man tapu wi?”
5 „Sma e pina den mofinawanèn den pôtisma e geme.Dati meki mi o opo du wan sani”, na so Yehovah taki.
„Mi o ferlusu den fu den sma di e wiswasi den.”
6 Den sani di Yehovah e taki de soifri.Den soifri leki solfru di sma bron seibi leisi na ini wan onfu di meki fu klei.*
7 Yehovah, na yu o kibri den mofinawan.Yu o kibri ibriwan fu den, so taki den ogrisma no pina den noiti moro.
8 Fu di libisma feni en bun te trawan e du ogri,meki na ala sei den ogriwan e waka e du san den wani.
