TAN NA AI!
2022: Wan yari pe furu broko-ede nanga bruya ben de—San Bijbel e taki?
Na ini a yari 2022, feti, ekonomia problema, nanga rampu ben de furu na ini a nyunsu. Na Bijbel wawan e fruklari fu san ede den sani disi e pasa.
San den sani di pasa na ini 2022 wani taki
Den sani di pasa na ini a lasti yari disi e gi wi ete wan buweisi taki wi e libi na ini a ten di Bijbel e kari „den lasti dei” (2 Timoteyus 3:1). A pisi ten dati bigin na ini a yari 1914. Luku fa den sani di e pasa nownow na sani di Bijbel ben taki na fesi gi a ten fu wi:
„Feti.”—Mateyus 24:6.
„2022 ben de a yari di Europa firi den takru bakapisi fu den feti di kondre ben e feti nanga makandra.” a
Luku na artikel di nen „Rosiakondre broko go na ini Ukraini.”
„Angriten.”—Mateyus 24:7.
„2022: A yari disi moro furu angriten ben de moro leki wan ten na fesi.” b
Luku na artikel di nen „A feti na Ukraini e meki taki na heri grontapu a muilek fu feni nyanyan.”
„Siki di e kiri ipi-ipi sma.”—Lukas 21:11.
„A siki polio opo kon baka, moro furu sma kisi monkeypox, èn COVID-19 e tan tyari pori kon. Den sani disi e sori o kefalek den siki de di sma kan gi trawan èn a e sori tu o makriki wi kan kisi den siki disi.” c
Luku na artikel di nen „A COVID-siki kiri 6 milyun sma.”
„Sma o si kefalek ogri sani.”—Lukas 21:11.
„A faya di a weer e faya, a drei di presi e drei srefisrefi, faya di e bron bigi kontren, nanga watra di e sungu furu presi. A waran pisi ten fu a yari 2022 ben tyari kefalek takru weer kon. Den sani disi tyari furu pori kon, hondrohondro dusun sma lasi den libi èn na heri grontapu milyunmilyun sma ben lasi den oso.” d
Luku na artikel di nen „Na heri grontapu a weer e kon faya pasa marki.”
„dyugudyugu.”—Lukas 21:9.
„Fu di sma ben atibron taki ekonomia problema ben de èn taki sani kon diri meki den ben opo densrefi teige den tiriman na ini a yari 2022 moro leki oiti bifo.” e
Luku na artikel di nen „Sani e kon diri moro nanga moro na heri grontapu.”
San o pasa na ini a yari di e kon?
Nowan sma kan taki soifri san o pasa na ini a yari 2023. Ma a sani di wi sabi na taki heri esi Gado Kownukondre, noso a hemel regering fu en, sa tyari bigi kenki kon na grontapu (Danièl 2:44). A regering dati sa puru ala sani di e meki taki libisma e pina èn a regering o sorgu taki a wani fu Gado o pasa na grontapu.—Mateyus 6:9, 10.
Wi e gi yu a deki-ati fu du san Yesus Krestes ben taigi wi fu du èn fu „tan na ai” fu si fa den sani di e pasa nownow e sori taki den profeititori fu Bijbel e kon tru (Markus 13:37). Grantangi, meki kontakti nanga wi fu kon sabi fa Bijbel kan yepi yu nownow èn fa a kan gi yu nanga yu osofamiri trutru howpu taki sani o kon moro bun na ini a ten di e kon.
a AP News, „2022 Was Year the Horror of War Returned to Europe,” by Jill Lawless, december 8, 2022.
b World Food Programme, „A Global Food Crises.”
c JAMA Health Forum, „Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, september 22, 2022.
d Earth.Org, „What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, „Economic Anger Dominated Global Protests in 2022,” by Thomas Carothers and Benjamin Feldman, december 8, 2022.
Kande yu lobi den tori disi tu
A WAKTITOREN
Heri esi Gado o puru ala pina na grontapu
Fa wi du sabi taki heri esi Gado o puru ala pina nanga kruktudu?
PRENSPARI LERI FU BIJBEL
San na Gado Kownukondre?
Di Yesus ben de na grontapu, a taki fu Gado Kownukondre moro leki iniwan tra sani. Hondrohondro yari langa den bakaman fu en begi fu a Kownukondre disi kon.
PRENSPARI LERI FU BIJBEL
A Kownukondre fu Gado bigin tiri na ini 1914
Moro leki 2600 yari pasa, Gado sori wan makti kownu na ini wan dren wan profeititori di e kon tru na ini a ten disi.
