E uunaʻia Molimau a Ieova e le alofa i le Atua ma tuaoi, ina ia faalauiloa atu le feʻau o le Tusi Paia i tagata uma, e aofia ai ma i latou na faapea mai e lē fiafia i le talaʻiga. (Mataio 22:37-​39) O lenā alofa i le Atua e uunaʻia ai i matou e usitaʻia le poloaʻiga a lona Alo ina ia avatu se “molimau māeʻaeʻa.” (Galuega 10:42; 1 Ioane 5:3) O le faia faapea e matou te talaʻi atu ai pea le feʻau a le Atua, e pei ona faia e ana perofeta anamua. (Ieremia 25:4) Talu ai e matou te alolofa i tuaoi, e matou te taumafai ai e faasoa atu le feʻau faasaoola o le “tala lelei o le Malo” i tagata uma, e aofia ai ma i latou na faapea mai e lē fiafia i le talaʻiga.​—Mataio 24:14.

 E masani lava ona matou maua tagata fiafia pe a matou toe asiasi i aiga e leʻi faaalia muamua le fiafia. O nisi nei o māfuaaga e tolu:

•   E fai ma sui tagata e nonofo i se fale.

•   E faaalia e nisi tagata o le aiga le fiafia i la matou feʻau.

•   E mafai ona suia uiga o tagata. O mea e tutupu i le lalolagi ma tagata taʻitoʻatasi, e mafai ona uunaʻia ai isi ina ia “manatu mamafa i o latou manaʻoga faaleagaga,” ma latou faaalia ai le fiafia i le feʻau o le Tusi Paia. (Mataio 5:3) E oo lava foʻi i ē na tetee, e mafai ona suia o latou loto e pei o le aposetolo o Paulo.​—1 Timoteo 1:​13.

 E ui i lea, e matou te lē faamalosia tagata e faalogo mai i la matou feʻau. (1 Peteru 3:​15) E matou te talitonu e faia e le tagata lava ia lana filifiliga i mataupu tau tapuaʻiga.​—Teuteronome 30:19, 20.