PUSA E AʻOAʻO AI 19E
Se Sinasina na Avea ma Vaitafe
Na vaaia e Esekielu se vai o loo sinasina mai i le malumalu o Ieova, ma faavavega ona avea ma vaitafe loloto i le na o le 2 kilomita le mamao! Na ia vaaia foʻi ni laau lauolaola i le auvai, lea e maua ai meaʻai ma vailaau e faamālōlōina ai. O le ā e uiga i ai nei valoaga?
E Aumaia e le Vaitafe Faamanuiaga
ASO ANAMUA: I le taimi na toe foʻi ai ē na faaaunuua i lo latou laueleele, na latou maua faamanuiaga a o fesoasoani e toe faafoʻisia le tapuaʻiga mamā i le malumalu
ASO NEI: O le 1919 na toe faafoʻisia ai le tapuaʻiga mamā, ma amata ai ona tafe mai faamanuiaga faaleagaga i auauna faamaoni a le Atua
LUMANAʻI: Pe a māeʻa Amaketo, o le a tafe mai faamanuiaga faaletino ma faamanuiaga faaleagaga mai iā Ieova
Vai o le Ola
ASO ANAMUA: Na matuā faamanuia e Ieova ona tagata usiusitaʻi. Na faatupulaʻia lo latou faitau aofaʻi, ma lauolaola pea faaleagaga
ASO NEI: I le parataiso faaleagaga, ua faatoʻateleina i latou ua maua aogā mai i le tele o faamanuiaga faaleagaga a Ieova, ma latou maua le ola i le itu faaleagaga
LUMANAʻI: O le a anoanoaʻi faamanuiaga a Ieova mo ē e sao mai iā Amaketo, ma le faitau miliona o ē o le a toetutū mai
Laau e Maua ai Meaʻai ma Faamālōlōina Ai
ASO ANAMUA: Na fafagaina e Ieova i le itu faaleagaga ona tagata faamaoni na toe faafoʻisia i le laueleele. Na ia faamālōlōina foʻi i latou mai i maʻi faaleagaga ua leva ona pagatia ai
ASO NEI: Ua anoanoaʻi meaʻai faaleagaga ua maua e tagata o le Atua, e puipuia ai mai i le matelāina ma le mamaʻi faaleagaga o tagata o le lalolagi i aso nei
LUMANAʻI: O le a fesoasoani Keriso ma le 144,000 o le a latou pule faatasi, i ē e usiusitaʻi ina ia ausia le tulaga lelei atoatoa ma olioli ai i le soifua mālōlōina e oo i le faavavau!
