VAEGA 13
O ā Mea e Tatau Ona Tatou Faia e Faafiafia ai le Atua?
Ia teena mea leaga. 1 Korinito 6:9, 10
Afai e tatou te alolofa iā Ieova, e tatou te lē faia mea e inosia e ia.
E lē finagalo Ieova e tatou te gāoi, onanā ma faaaogā sesē fualaau ma vailaau faasāina.
E inosia e le Atua le fasioti tagata, faapaʻū tama ma le tauatane ma le tauafafine. E lē finagalo o ia e tatou te matapeʻapeʻa pe tauaʻimisa ma isi.
E lē tatau ona tatou tapuaʻi i tupua pe faia faiga faaagaga.
I le lalolagi Parataiso lea o le a oo mai, o le a leai se avanoa mo tagata o ē e faia mea leaga.
Ia faia mea lelei. Mataio 7:12
Ina ia faafiafia le Atua, ia taumafai e faaaʻoaʻo iā te ia.
Ia faaalia le alofa i isi e ala i le agalelei ma limafoaʻi.
Ia tatou faamaoni.
Ia alofa mutimutivale ma lotofaamagalo.
Ia talanoa atu i isi e uiga iā Ieova ma ona ala.—Isaia 43:10.
E te Ono Fiafia Foʻi
A'OA'OGA FAALE-TUSI PAIA
Pe e Talia e le Atua Tapuaʻiga Uma?
E toʻatele tagata e talitonu e lē tāua po o le ā le tapuaʻiga e te iai.
MOLIMAU A IEOVA
Aiseā e Suʻesuʻe ai le Tusi Paia?
Ua saunia mai e le Tusi Paia tali i fesili tāua o le olaga mo le faitau miliona o tagata i le lalolagi aoao. Pe e te manaʻo e avea oe ma se tasi o i latou na?
