Salamo 7:1-17
-
O Ieova o le Faamasino amiotonu
-
“Ieova e, ia e faamasino mai iā te aʻu” (8)
-
O le pese faanoanoa* a Tavita na ia pese atu ai iā Ieova, e tusa ai ma upu a Kuso le Peniamina.
7 Ieova e loʻu Atua, ua ou sulufaʻi atu iā te oe.+
Ia e faaolaina aʻu mai i ē uma e sauāina aʻu, ma laveaʻi iā te aʻu.+
2 Afai e leai, e latou te saeia aʻu e pei ona faia e se leona,+Ma toso ese aʻu ae e leai sē e laveaʻi mai.
3 Ieova e loʻu Atua, afai ua ou sesē,Afai foʻi ua ou faia se mea e lē tonu,
4 Afai ua ou agaleaga i lē ua agalelei mai iā te aʻu,+Afai foʻi ua ou faoa mea a lo‘u fili e aunoa ma se māfuaaga,*
5 Ia tuliloaina ma maua a‘u e se fili;Ia solia e ia lo‘u ola i le eleeleMa ia fano loʻu mamalu i le efuefu. (Selā)
6 Ieova e, inā e tulaʻi ia i lou toʻasā;Ia e tū atu faasaga i le ita o oʻu fili;+Ia e maleifua mai ona o a‘u, ma poloaʻia le faia o le faamasinogatonu.+
7 Ia siʻosiʻomia oe e atunuu;Ma o le a e gaoioi faasaga iā i latou mai i le mea maualuga.
8 E faamasinoina e Ieova nuu.+
Ieova e, ia e faamasino mai iā te aʻu e tusa ma laʻu amiotonuMa e tusa foʻi ma loʻu faamaoni.+
9 Faamolemole, ia e faaiʻuina gaoioiga leaga a ē e amioleaga.
Ae ia e faatumauina lē e amiotonu,+Auā o oe o le Atua amiotonu+ e suʻesuʻe i loto+ ma faalogona loloto.*+
10 O le Atua o loʻu talita,+ o le Faaola o ē e saʻo o latou loto.+
11 O le Atua o le Faamasino amiotonu,+E faailoa mai foʻi e le Atua ana faamasinoga* i aso uma.
12 Afai e lē salamō se tasi,+ e faamaʻai e Ia lana pelu;+E loloʻu foʻi e ia lana ʻaufana, ma e nofosauni o ia e fana.+
13 E na te saunia ana auupega e oti ai;E na te saunia foʻi ana aū fanafana mū.+
14 Ia silasila i lē ua maʻitō i le amioleaga;Ua afuafua e ia faafitauli ma e fanaua e ia le pepelo.+
15 Ua faia e ia le lua ma eli maulalo i ai,Ae ua paʻū o ia i le lua lava lea na ia faia.+
16 E toe i‘u lava i lona ulu faafitauli na ia faapogaia;+E paʻū foʻi i luga o lona tumuaʻi lona sauā.
17 Ou te vivii atu iā Ieova ona o lana faamasinogatonu;+Ou te usu viiga* i le suafa o Ieova+ o Lē e Silisili Ese.+
Faamatalaga Pito i Lalo
^ Po o le “pese o auega.”
^ Pe atonu “A o oʻu faasaoina lē e tetee mai e aunoa ma se māfuaaga.”
^ Po o le “tofotofo i fatu ma fatugaʻo.”
^ Po o le “E faaoo mai foʻi e le Atua faasalaga.”
^ Po o le “tā ma usuina pese.”
